Konke

URorisang Modiba ukulethela kafushane izindaba zansuku zonke ezivela kumazwe ngamazwe.

Obeyisikhulu saseKurhuleni uMarius van der Merwe udutshulwe nge-AK-47 ngaphandle komuzi wakhe e-Brakpan. Umakhalekhukhwini wakhe, isikhwama semali kanye nesibhamu akuthathwanga.

Kushone abantu abangu-11 okuhlanganisa nezingane ezintathu esigamekweni sokudubula endaweni yokucima ukoma engekho emthethweni ehostela eSaulsville, ePitoli.

I-ANC ilokhu iqhubekile nokuqhakambisa abaholi abangcoliswe amahlazo enkohlakalo, okufakazela ukuthi abenzi lokhu abahlezi bekuthembisa abantu.

Abantu baseNingizimu Afrika bazohlola umjovo omusha wokuvikela i-HIV obizwa nge-lenacapavir. Uthathwa kabili ngonyaka futhi kuhloswe ngawo ukuvikela abesifazane namantombazane asengozini kakhulu.

Owesilisa wase-Evaton ugwetshwe odilikajele abane neminyaka engu-25 ngamacala okudlwengula, ukugebenga nokushaya ezigamekweni eziningi zokuhlasela kwabesifazane.

Abanikazi bezitolo zespaza eKapa bathi akukho okunye abangakwenza ngaphandle kokuthi bavale izitolo zabo ngoba izigelekeqe eziqola abantu sezifuna ibhonasi kaKhisimusi phezu kwemali yokuvikela.

Inkampani yase-China yezimoto i-BYD ihlela ukuphinda kabili ama-dealership eNingizimu Afrika ngonyaka ozayo ukuze izitolo zabo zifinyelele ku-70 njengoba abashayeli abaningi bekhetha izimoto zikagesi ne-hybrid.

UNobhala-jikelele we-ANC uFikile Mbalula uthi izinsolo zokuthengwa kwamavoti nokuxhashazwa engqungqutheleni yaseGoli azinabufakazi kodwa ziyakhathaza.

Imindeni engaphansi kukamasipala iLembe isichithe izinsuku ingenamanzi njengoba amapayipi amadala ewohloka, okuphoqe umasipala ukuthi ufake izigidi emathangini ngesikhathi uzama ukulungisa uhlelo olungasebenzi.