Waboshwa washawa kodwa akazange akhothame

Umholi wamalungelo abantu baseMelika uJohn Lewis ushone ngeviki eledlule eneminyaka engama-80.

ULewis ubeyilungu eliphakeme leqembu i-Democratic Party Congress yaseMelika futhi ebenobudlelwane obusondelene neNingizimu Afrika.

Ngesikhathi sokuhlukaniswa  kwaseMelika waboshwa futhi wahlaselwa ngesikhathi ehola imibhikisho yobulungiswa bobuhlanga. Ukuhlukaniswa kwaseMelika – lapho abantu abamnyama eNingizimu babephoqelelwa ukuthi baphile ngokwehlukana, futhi benqabe ukuvota – kwaqhubeka kwaze kwaba maphakathi wonyaka wezi-1960s.

Ukushona kukaLewis kuza ngesikhathi lapho ezombusazwe zaseMelika zisemlilweni.

Lolu khetho oluzokwenzeka ngoLwezi uMengameli uDonald Trump uzozama ukuthola enye ithemu yokuthi akwazi ukuqhubeka abe nguMengameli, kodwa abaningi bakholwa ukuthi kungaba yingozi lokhu emhlabeni kanye nakumalungelo abantu abamnyama.

UTrump ubelokhu edonsa ukungezwani kwezinhlanga phakathi kwabamhlophe nabamyama njengoba umnyakazo we-Black Lives Matter uqhubeka nokubhikishela ukucwasana okwandile kanye nesihluku samaphoyisa.

Le vidiyo engenhla ekhishwe yi-Lincoln Project – iqembu labakhankasela iqembu likaTrump, eselikhulise izigidi zamarandi ukukhankasela ukhetho nokuthi akhethwe kabusha uTrump.