Dylan Bettencourt
Ngenkathi ukubambana ngo 1-1 kwangoMgqibelo neFrance kuzokhumbuleka njengomphumela odumile kubantu bangaphandle base-Hungary, umdlalo ubusongwe yizinsolo zokuhlukunyezwa ngokobuhlanga.
Abagadli base-France uKylian Mbappe noKarim Benzema kubikwa ukuthi bebeyizisulu zokuhlukunyezwa ngokwebala yingxenye yabalandeli base- Hungary.
Imisindo yenkawu ebibhekiswe kuMbappe oneminyaka engama-22 ubudala ibizwakala inkundla yonke i-Budapest Stadium, kanti ngokusho kukaDe Telegraaf, uBenzema ongowase-Algeria, naye ubeyisisulu sokuhlukunyezwa.
I-UEFA isiqalile uphenyo ngokuhlukunyezwa okusolwayo ngabalandeli emidlalweni yase-Hungary obuphakathi kwe-France ne-Portugal, ogcine uphele ngo 3-0.
Emdlalweni wabo wokuqala we-Euro 2020 bedlala nePortugal, uCristiano Ronaldo waba yisisulu sokuhlukunyezwa kwabantu abangongqingili ngemibhalo enobandlululo isabalala ezinkundleni zokuxhumana. Washaya amagoli amabili kulo mdlalo okwaholela ekunqobeni.
Iqembu labalandeli base-Hungary laphinde lahlela umbhikisho omelene nabadlali ukuguqa ngedolo elilodwa njengombhikisho wokungaphatheki kahle kwabantu abamnyama ikakhulukazi abadlali bezemidlalo enkundleni ngaphambi kokuqala komdlalo.
Isitatimende esikhishwe yi-UEFA sithi kuqokwe umhloli we-UEFA Ethics and Disciplinary Inspector ukuthi aqhube uphenyo lokuqondiswa kwezigwegwe mayelana nezehlakalo ezingaba khona zokubandlulula ezenzeka e-Puskas Arena, e-Budapest.
I-Hungary iyona kuphela emazweni ayi-11 esingethe izinkundla zemidlalo zigcwele. I-Hungary inikezwe ilungelo lokudlala imidlalo emibili yamaqoqo amathathu e-Arena.
I-Hungary izobhekana neJalimane emdlalweni wabo wokugcina wamaqoqo futhi idinga ukunqoba uma kungenzeka babe nethuba lokudlulela ku-Round 16 yomncintiswano.
Lo mdlalo uzodlalelwa e-Allianz Arena e-Munich, eJalimane, kanti imeya yedolobha icele ukuthi inkundla ikhanyiswe ngemibala yothingo lwenkosazana ukuphendula umthetho olwa ne-LGBTQ + ophasiswe yiphalamende lase-Hungary.
Umthetho uzovimbela ukwabiwa kwemininingwane ethathwa njengokukhuthaza ubungqingili noma ubunikazi bobulili obungebona phakathi kwabangaphansi kweminyaka eyi-18.
Umthombo wesithombe: @talkSPORT