Razeen Gutta
UNatalie Schiver kanye no-Alice Richards basize i-England ebesisalele emuva ukuthi ihambe phambili emdlalweni we-test bebhekene nama-Proteas ngaphambi kosuku lwesithathu ngoLwesithathu.
Abesifazane base-England bebezimisele ngokushaya amabhola e-Taunton ngemuva kokuthi ama-Proteas eshaye ama-runs angu-284 ngosuku lokuqala lomdlalo we-test ngoMsombuluko.
U-Emba Lamb kanye noTammy Beaumont baqale kahle umdlalo. Nokho u-Anneke Bosch ubakhiphe bobabili abavulayo ngokulandelana ngokushesha futhi phakathi neseshini yokuqala.
Amawikhethi amabili alethe ubunzima okuningi njengoba elakuleli lishiye abasingathi bomdlalo benamaphuzu angu-121/5 kanti uBosch uthole iwikhethi yakhe yesithathu kanye no-Nonkulukelo Mlaba okhiphe u-Amy Jones.
Ubudlelwano phakathi kukaSchiver noRichards kuvele kwabaluleka e-England njengoba bobabili kumaphuzu ayikhulu umuntu ngamunye ngaphambi kokuvalwa komdlalo.
USchiver akazange ahlulwe kuma runs angu-119 emabholeni angu-207 ane-boundaries engu-15 kwathi uRichards wakhishwa ngebhola lokugcina losuku nguTumi Sekhunene ngama-runs angu-107 kwangu-194.
Ngaphandle kwewikhethi yakamuva i-England ibenamaphenathi angu-328/6 ihamba phambili ngo-44 namawikhethi amane esandleni.
Umthombo wesithombe:@bouncenationke