Zukile Majova
Ngingomunye wabantu abakwazisayo ukugubha ngokujulile isikhathi nempilo ephilwe ngokugcwele.
Cabanga nje ukuthi bekuyimpelasonto emnandi kanjani njengoba bengisemngcwabeni wobeneminyaka engu-81, owayeyiNxusa laseNingizimu Afrika e-Iran, e-North Korea nase-United Arab Emirates.
Ingqalabutho yomzabalazo, uJeremiah Mkhando Mgqibi ungcwatshwe ngoMgqibelo ekhaya lakhe esigodini sase-Dangwana e-Port St Johns e-Eastern Cape.
Ngalo lolo suku, uma ukhuphuka ngomgwaqo osuka ngakithi e-Mvuzi KwaBhaca, bekubuthene abantu abaningi emcimbini wokugubha iminyaka eyikhulu yokuzalwa kwesinye isishoshovu somzabalazo uMama uMatshezi Constance Nongindzi emzini wakhe esigodini sase-Mawusheni.
Kodwa okokuqala ake nginixoxele ngoMnu Mgqibi, iqhawe le-ANC elasebenza ezingeni eliphezulu kakhulu enhlanganweni.
Emngcwabeni wakhe, bekugcwele umphakathi okuyiwo ogubhe ithuna lakhe, kwaphinda kwayiwo omngcwabayo.
Ngikubone kufanelekile ngempela lokhu ngoba umufi ubeyindoda ehambe umhlaba wonke kodwa noma kunjalo yahlala iyinsika yomphakathi wangakubo. Kuze kube yimanje umphakathi usaqhubeka nokuthokozela izithelo zomsebenzi wakhe njengo msunguli we-eMantusini Dairy Project e-Port St Johns.
Njengo somabhizinisi ubephinde abe yilungu le-Nafcoc, kanti futures wake wayimeya yase-Port St Johns nomlando wakhe Johns ukubeke kwacaca ukuthi ubeyilungu le-ANC elinomsebenzi omuhle.
Bengilindele ukuthi izikhulu ze-ANC zizofika ngesikhathi kungcwatshwa owayeyinxusa, kodwa abazange zilubhade.
Kwaze kwakubi ukuthi abakwazanga ukugubha impilo yomunye wabo.
Ngalo lolo suku umndeni wakwaNongindzi nabantu base-Mawusheni Administrative Area Kwa-Bhaca badanse kwaze kwaba sebusuku begubha iminyaka eyikhulu kaMama uMatshezi.
Wazalwa ngomhlaka-12 kuNhlolanja ngo-1922, endaweni eyayibizwa ngokuthi i-KwaNongindzi, ngaphambi kokuthi athuthelwe e-Mawusheni ekuqaleni kwango-1960.
UMfundisi uDingiswayo uthe isigodi sonke besizimisele ukugubha impilo yakhe ngoba iminyaka eminingi ubengumama wezingane eziningi emphakathini – enikeza incazelo yangempela yesisho esithi “ingane ikhuliswa umphakathi”.
UMama uMatshezi uthe “Angikaze ngilubungaze usuku lokuzalwa noma ukuba nekhekhe ngosuku lwami lokuzalwa, ngiyajabula ngalokhu eningenzele khona, kwazise phela ukuba nekhekhe lokuzalwa kuyinto enkulu.