URorisang Modiba ukulethela amanqampunqampu ezindaba zansuku zonke ezenzeka emhlabeni.
Israel – UNgqongqoshe wezokuvikela kwa-Israel uYoav Gallant ukhale ngoNdunankulu uBenjamin Netanyahu ngokungabi nalo uhlelo lwangemva kwempi e-Gaza. UGallant ugcizelele isidingo sokuthi kube nelinye izwe lase-Palestine elingenayo inzondo, elibuswa ngokubandakanyeka kwamanye amazwe, ukuze lithathe izintambo ngemuva kwe-Hamas. Lolu lwazi lwabiwe ngelinye ilungu lekhabhinethi, uBenny Gantz oweseka icebo likaGallant lobuholi obaziyo okufanele bukwenze..
ICalifornia – Ngo-2016, uJames Vlahos wase-Oakland, e-California wabhekana nezindaba ezibuhlungu zokuthi uyise watholakala enomdlavuza oyingozi wabe eseshona ngokuhamba kwesikhathi. Ngenkathi engena emsebenzini we-AI, uJames wenza i-chatbot ene-AI eyayilingisa izwi likayise ngokusekelwe emahoreni okuqoshwa kwezwi likayise. I-chatbot ingaphendula imibuzo ngempilo yakhe iphinde isho izinto njengoyise.
E-Russia – UMengameli waseRussia uVladimir Putin uqale ukuvakasha kombuso e-Beijing, ehlangene nomholi wase-China uXi Jinping ngesikhathi kuqhubeka umkhankaso wamasosha ase-Russia e-Ukraine. I-Russia isanda kwandisa ukuhlasela kwayo e-northeastern e-Ukraine, ikakhulukazi esifundeni sase-Kharkiv okuholele ekubalekeni kwabantu abangaphezu kuka-7,500. Ephendula lesi simo uMengameli wase-Ukraine uVolodymyr Zelensky ukhansele uhambo lwakhe lwamazwe ngamazwe abeluhlelile ukuze agxile kule nkinga.
E-Georgia – Iphalamende lase-Georgia seliphasise umthethosivivinywa wamanxusa angaphandle okuholele emibhikishweni e-Tbilisi kanye nokukhathazeka ngomthelela ongaba khona ezinhlosweni ze-Georgia zokujoyina i-European Union. Lo mthethosivivinywa odinga izinhlangano ezithola uxhaso olungaphezu kuka-20% emithonjeni yangaphandle ukuthi zibhalise ugxekwe ngokufana nomthetho ofanayo e-Russia. Naphezu kokuphikiswa okuhlanganisa ne-veto ethenjisiwe evela kuMengameli uSalome Zourabichvili, iphalamende eliholwa yiqembu lase-Georgian Dream cishe lingayichitha i-veto ngenxa yobuningi babo.
Isithombe esingenhla: UBenjamin Netanyahu.
Umthombo wesithombe: X