Lubhalwe nguRorisang Modiba
Izihlabani ezidumile zamapiano zifuna ukugcwalisa inkundla iFNB eGoli engenza abantu abangaphezu kuka-70,000 ngomhlaka-19 kuMandulo ka-2026.
UKabza De Small uthi lolu hlelo olukhulu lungolwemindeni oluzophinde luhlanganise izinkulungwane zabalandeli bomculo.
U-DJ Maphorisa noKabza De Small bahlela uhlelo lwabo olukhulu okwamanje. Izihlabani ezidumile zamapiano zizosingatha ikhonsathi elandelayo ye-Scorpion Kings Live enkundleni ye-FNB eGoli ngomhlaka-19 kuMandulo ka-2026.
Laba ababili bafuna ukwakhela phezu kwempumelelo yomcimbi wabo ka-2025. Ngonyaka odlule, izinkulungwane zabalandeli zazigcwele iLoftus Versfeld Stadium ePitoli. Umbukiso waba umgubho omkhulu womculo wamapiano, imfashini namasiko. Inkundla ebigcwele phama ikhombise ukuthi isitayela somculo sikhula ngokushesha kangakanani.
Manje, laba baculi ababili bafuna ukuyisa uhlelo lwabo olubukhoma ezingeni elisha. Balindele abantu abangaphezu kuka-70 000 ukuthi bagcwalise i-FNB. Uma befika kule nombolo, kuzoba ikhonsathi yamapiano enkulu kunazo zonke emhlabeni.
U-DJ Maphorisa uthe uhlelo lwabo ePitoli lukhethekile. Kodwa uthe umcimbi waseFNB uzoba mkhulu kakhulu. Ufuna ukukhombisa umhlaba ukuthi umculo wamapiano usuhambe kangakanani.
UKabza De Small uchaze le khonsathi njengomcimbi womndeni. Uthe lo mcimbi ungowokuhlanganisa abantu futhi ukuze bathole into abangasoze bayikhohlwa.
Njengoba isiteji sisikhudlwana futhi abalandeli bebaningi, uhlelo lweScorpion Kings Live e-FNB luzoba ngaphezu nje kwekhonsathi.
Esithombeni esingenhla: U-DJ Maphorisa noKabza De Small.
Umthombo wesithombe: @djmaphorisa