Mmaditaba
U-Enhle Mbali nowayengumyeni wakhe isihlabani sakuleli uDJ uBlack Coffee, bekubukwa bona ezinkundleni zokuxhumana njengoba bebe nokuhilizisana futhi.
Kulokhu, ingxabano yabo isuselwa ekutheni bengaboni ngaso linye mayelana nogesi ekhaya labo langaphambilini lomshado uMbali ahlala kulo njengamanje nezingane zabo.
Ngesonto eledlule, uMbali uye ezinkundleni zokuxhumana wamemezela ukuthi ngeke esamvikela uCoffee ngokuthula.
Le sihlabani savela sakhihla isililo ngesikhathi sikhuluma ngencwadi yokuvikelwa abeyifakele isicelo kodwa wanqatshelwa ukuyithola .
Ubuyele ku-Twitter kuleli sonto ukufeza isithembiso sakhe, waveza ukuthi uCoffee wayeka ukukhokha izikweletu zikagesi zendlu.
Ngokushesha uCoffee ubhale ezinkundleni zokuxhumana ezivikela, ebiza uMbali ngomqambimanga. Kodwa-ke, impendulo yakhe ikhombisile ukuthi empeleni ubezigwema izikweletu – kodwa ngokusobala naye uMbali ubengakhokhi.
Ochungechungeni lwama-tweets ubhale wathi, “Kungilethele ubuhlungu obukhulu ukubuka amavidiyo akho ehlekisa ngalesi simo kanye nezingane. Ngempela abakufanele lokhu. Njengamanje sengisikhokhile isikweletu sikagesi futhi ngiyagcina. Ukuqhubekela phambili, khokha isikweletu sakho sikagesi. Izingane akufanele zidlule kulokhu.”
Lo DJ uthi akahlanganise lutho nalesi simo nokuthi uMbali usazi isikhathi eside ukuthi imali kagesi idinga ukukhokhwa.
Ukukhetha izinhlangothi komphakathi phakathi kwalaba bazali bobabili kusathule okwamanje, ngemuva kokuthi uCoffee evumile ukukhokhela ugesi.