Lubhalwe nguDylan Bettencourt
Abesifazane baseNingizimu Afrika bawine umdlalo wabo wokuqala webhola bebhekene ne-Algeria ePrincess Magogo Stadium KwaMashu ngoLwesibili.
UNthabiseng Majiya ushaye igoli elilodwa kulo mdlalo eliwinise iqembu lasekhaya ngaphambi kokuthi lidlale ngoLwesihlanu.
IBanyana Banyana ishaye i-Algeria ngo 1-0 emdlalweni webhola ePrincess Magogo Stadium KwaMashu ngoLwesibili.
Lo mdlalo ubungowokuzilungiselela iWomens Africa Cup of Nations (Wafcon) ezokuba ngo-2026.
UNthabiseng Majiya ushaye igoli lokuwina emizuzwini engu-36 kuqale umdlalo. Uthathe ishodi onqenqemeni lwebhokisi ngemuva kokuthi u-Refiloe Jane emphakele ibhola.
Iqembu laseNingizimu Afrika beliwuphethe umdlalo lakha namathuba okushaya amagoli. Bekuwusuku olukhulu kumdlali wasemuva uBambanani Mbane, obedlalela izwe lakhe umdlalo wekhulu.
Lona bekuwumdlalo wokuqala kwemibili bebhekene neqembu lase-North Afrika eThekwini. Umdlalo wesibili uzoba seKing Zwelithini Stadium eMlazi ngoLwesihlanu.
Umqhudelwano weWafcon uqala mhlaka-26 kuNtulikazi. Uhlehliswe ngoNdasa ngemuva kokungabaza mayelana neMorocco ezosingatha lo mcimbi, kodwa lezo zinkinga sezilungisiwe.
Isithombe esingenhla: Abadlali beBanyana Banyana begubha.
Umthombo wesithombe: @Banyana_Banyana