Arthur Greene
Kuvele ividiyo eshaqisayo ku-inthanethi okusolakala ukuthi ikhombisa ukuhlasela okwenziwa i-Ukraine kumasosha ase-Russia.
Kulevidiyo i-Ukraine isebenzisa indiza yokulwa yase-Turkey i-Bayraktar TB-2.
Kuphinde kwaba nemibiko yokuthi amasosha ase-Russia izindiza ezimbili zase-Ukraine.
Nakuba umbiko noma ividiyo ingakaqinisekiswa, kusobala ukuthi i-TB-2 kuliwa ngayo.
Kusukela ngo-2021, i-Ukraine ithenge ama-drones cishe angu-20 e-Turkey, ngokusho kwe-Forbes.
Selokhu i-Russia yamemezela ukuhlasela kwayo e-Ukraine ngomhlaka-24 kuNhlolanja, lama-drones kubikwa ukuthi acekele phansi izimoto zase-Russia ezingaphezu kuka-60, okuhlanganisa ombayimbayi namaloli.
“I-TB-2 iwuhlelo oluyingozi ngokumelene nezikhali zase-Russia,” ngokusho komhlaziyi uCan Kasapoglu ebhalele i-Jamestown Foundation.
Lena akuyona impi yokuqala le mishini yempi yase-Turkey isebenza khona. Ike yasetshenziswa i-Libya, kanye ne-Azerbaijan ngesikhathi belwa ne-Armenia ngonyaka odlule.
Ama-TB-2 ase-Turkey nawo kungenzeka abe ukhiye ekuguquleni isimo sempi yombango yase-Ethiopia. Ngenkathi amavukelambuso ase-Tigrayan evala enkabeni yedolobha ngoLwezi ngonyaka ka-2021, amasosha kaNdunankulu u-Abiy Ahmed akwazi ukulwa nawo esebenzisa ama-TB-2 asanda kubhaliswa.