Sizwe Sibiya
Kubikwa ukuthi abaculi bama-Piano bayancebeleka eMzansi, kangangokuba nabanye abaculi bezinhlobo ezahlukene zomculo nabo baye bangena emculweni omusha we-piano.
Lokhu kuza ngemuva kokuthi uhlobo lomculo wama-Piano selwehlise izinhlobo eziningi zomculo zakuleli ezinyangeni ezimbalwa ezedlule. Bebelokhu behamba phambili kumashadi masonto onke, bethatha iziteshi zomsakazo nezomabonakude kanye nama-gig.
Kodwa ngempelasonto edlule abaculi baseNingizimu Afrika be-Hip Hop bakhombisile ukuthi ngeke bavumele ama-Piano abehlule.
Umrepha we-ATM u-Emtee, ukhiphe ividiyo yomculo i-“Johustleburg”, ingoma ekwi-albhamu yakhe yokugcina ebizwa nge-“Logan”, okufakazela ukuthi usabalulekile ngisho nangemuva kokushiya i-Ambitiouz Records ezosebenza yedwa.
Umculi omusha u25K, ungene nezibonakaliso ezinhle ze-“Hustler’s Prayer” equkethe u-A-Reece wasePitoli. U25K ubesanda kukhipha idokhumentari yemizuzu engama-45 ngokwenziwa kwe-albhamu yakhe ethi-“Pheli Makaveli” kanye nokukhuliswa kwakhe ngoNtulikazi ngowezi-2021.
Womabili lamavidiyo omculo akhishwe ngoLwesihlanu, kodwa ngemuva kwezinsuku ezinhlanu i”Johustleburg” ka-Emtee isibukwe ngabantu abayizi-91,000 ku-YouTube kanti i-“Hustler’s Prayer” kaMotswako isondele ekuphindaphindeni izinombolo, ihleli kamnandi ekubukweni ngabantu abangaphezu kwezi-156k kwipulatifomu elilodwa.
UCassper Nyovest uqophe umlando ngokugcwalisa i-TicketPro Dome kanye ne-FNB Stadium eminyakeni edlule – nangokukhipha i-albhamu enamathrekhi ayi-10 esihloko sithi-Sweet and Short 2.0 ngomhla zingama-30 kuNhlangulana.
Abaculi abasha basabathokozisa abalandeli be-Hip Hop eNingizimu Afrika ngokuletha amavidiyo omculo asezingeni eliphezulu.
Umthombo wevidiyo: i-YouTube