Dylan Bettencourt
U-Ivan Kuliak wase-Russia oyi-gymnast uyaphenywa ngemuva kokugqoka umfaniswano onophawu olokusekela impi kwi-leotard yakhe ngesikhathi emi esiteji eduze komsubathi wase-Ukraine.
Ngemuva kokuwina indondo yethusi ngoMgqibelo kwiNdebe yoMhlaba ye-Apparatus e-Qatar,
uKuliak unamathisele uhlamvu oluthi ‘Z’ esifubeni sakhe ngesikhathi engena esiteji ema eduze kuka-Illia Kovtun wase-Ukraine owine indondo yegolide.
Uhlamvu oluthi ‘Z’ luphenduke uphawu lwempi exhumene nokuhlasela kwe-Russia e-Ukraine. Uphawu luye lwabonakala lupendwe kumathangi nasezimotweni zamasosha.
Osopolitiki abasekela impi nabo balukhombisile lolu phawu selokhu kuqale ukuhlasela ngomhlaka-24 kuNhlolanja.
I-International Gymnastics Federation (iFIG) ikuqinisekisile ukuthi seluqalile uphenyo ngalesi sigameko, yabiza izenzo zomsubathi wase-Russia “njenge zishaqisayo”.
“I-FIG iyakuqinisekisa ukuthi izocela i-Gymnastics Ethics Foundation ukuthi ithathele u-Ivan Kuliak izinyathelo zokuqondiswa kwezigwegwe kulandela ukuziphatha kwakhe okushaqisayo kwiNdebe yoMhlaba ye-Apparatus e-Doha, e-Qatar,” kusho inhlangano ebusayo esitatimendeni.
Umqhudelwano obuse-Doha ubuyithuba lokugcina labasubathi abavela e-Russia nase-Belarus ukuthi baqhudelane ngemuva kokuba amazwe abo ethole unswinyo oluvela kwi-FIG.
Umfelandawonye uthe ubheka iziphakamiso ezibekwe yi-International Olympic Committee zokuthi abasubathi bakulesi sifunda kumele bavinjelwe ukuqhudelana ngenxa yemisebenzi yamasosha e-Ukraine.
Amazwe ezemidlalo abambe iqhaza ekulweni nokuhlaselwa kwe-Ukraine ngokumisa noma yikuphi ukubandakanyeka kwe-Russia emzamweni wokukhiphela izwe ngaphandle emdlalweni yendebe yomhlaba.
Umthombo wesithombe: @FanPage