Elmon Tshikhudo
Umngcwabo wenkosi yase-Thohoyandou uNaledzani Munyai ubufana nempilo yakhe.
Ekuwuboneni okokuqala, umuntu kungenzeka ukuthi wayengawuphambanisa nomngcwabo wombuso.
Amakhulu abakhalayo avela kulo lonke izwe, kufaka phakathi abangani bakhe abebegqoke iyonifomu ye-camouflage, beza ukuzohlonipha.
Uhide lwezimoto olucishe lube yikhilomitha – nazo izimoto cishe zinombala we-camouflage ikakhulukazi – bezivale umgwaqo omkhulu osuka e-Sibasa uya e-Vondwe.
Yize kwakungewona umngcwabo wombuso, ubufanele owesilisa owayemkhulu kunempilo yase-Limpopo.
UMunyai wabulawa ngezinhlamvu ezingama-28 ngoLwesihlanu lomhla ziyi-11 kuNhlangulana, eneminyaka engama-44. Ubesenyamalale isonto lonke.
Kwakungukuphela kwempilo lapho ayebhekene khona nokungabi nabulungiswa ezandleni zohlelo lwezomthetho, kodwa wabe eseqhubeka nokusolwa ukuthi waba yilokho ayemangalelwe ngamanga ngakho: isigebengu esinodlame.
Amalungu omphakathi asola ukuthi eceleni kwenkampani yakhe, i-Jerusalem Paradise, uMunyai ubephethe umbuso odlondlobele okusolwa ukuthi ubandakanya ukugqekeza nokuphanga.
Emngcwabeni, bekukhala amathayi ezimoto ebezijikeleza.
Abanye abasebenzisi bomgwaqo babebonakala ukuthi bacasukile, omunye wabo wezwakala ememeza ethi: “Yini esingayenza? Laba ngabanikazi bomgwaqo. Benza abakuthandayo.”
Ukwengeza kulokhu bekwenzeka esigamekweni uphiko lwamaphoyisa belumi ngezimoto ezihlukene okubalwa kuzo iziNyala.
Bebebheke sonke isimo emngcwabeni. Akukaboshwa muntu okwamanje ngokubulawa kukaMunyai.
U-Arno Mudau, obesondelene kakhulu nomuntu oshonile futhi ophinde abe ngumlingani wakhe e-Jerusalem Restaurant and Pub, uchaze ukushona kwakhe njengokulimaza ubudlelwano babo.
“Ukushona kwakhe kusizumile futhi kusishiye sonke sishaqekile. Sisebumnyameni ngaso sonke lesi sigameko. Kodwa szokwenza isiqiniseko sokuthi akupheli ngeJerusalema, sizovuka sizithintithe siqhubeke lapho esigcine khona,” esho.
“Simnikeze lolu hlobo lomngcwabo oluhambisana nempilo yakhe futhi siyazi ukuthi uzomamatheka noma kuphi lapho akhona,” kusho uMudau.