UMNDENI USHAQEKILE UFICA ISIDUMBU ONGASAZI EBHOKISINI

Kabelo Tlhabanelo

UDineo Maloko uthe udadewabo, uMaleshoane Mohapi, bekufanele angcwatshwe ngoLwesithathu, kodwa abangcwabi babanikeze isidumbu somfana – egqoke izingubo zikadadewabo ongasekho.

Umndeni ubulungise ukudla komngcwabo. Kodwa abakwa-Will Funerals balahle isidumbu sikamama wabo owashona ngomhla ziyisishiyagalolunye kuNhlolanja esibhedlela.

“Okungicasule kakhulu ukuthi lesi sidumbu esingasazi besigqoke izingubo zikadadewethu,” kusho uDineo etshela abakwa-Scrolla.Africa.

“Ngokushesha sabatshela ukuthi akuyena uMaleshoane base bebuyisela isidumbu emuva endaweni yokugcina izidumbu.”

Uthe isidumbu sikadadewabo besingatholakali endaweni yabangcwabi.

“Bafike cishe phakathi kwamabili bathi basitholile isidumbu sikadadewethu kodwa benqaba ukusho ukuthi basithole kuphi. Ngisola ukuthi udadewethu wangcwatshwa ngomunye umndeni wakhishwa ethuneni.”

Indodakazi kaMaleshoane, uGranny, uthe naye uphatheke kabi ngokwenzekile.

Umphathi uKeke Mabule utshele umndeni ukuthi akazi ukuthi isidumbu sitholakale kuphi.

“Kodwa ngizobe ngiphenya futhi ngibheka okuqoshiwe kwi-CCTV,” uyasho.

“Ngikulungele ukusiza umndeni ngebhokisi lomngcwabo, itshe lethuna kanye nemvu ukuze ngixolise.”

Umndeni obuthukuthele uthe ubudinga nokuhlanza indlu ngenye imvu ngenxa yesidumbu esingaziwa esichithe isikhathi lapho kanti uMabule avumelana nawo.

Ngesikhathi abakwa-Scrolla.Africa bepheka uMabule ngeminye imibuzo wenqabile ukuphawula kwabezindaba.

Umngcwabo uhlehliselwe uLwesine ngo-10 ekuseni.

Ngenkathi abakwa-Scrolla.Africa befika ekhaya lomndeni, umfundisi wayesalinde imoto ethwala izidumbu ukuthi ilethe ibhokisi lomngcwabo etendeni elingaphakathi kwegceke lomndeni.