Umlutha we-Tik ushe wanqonqa endlini ethungelwe ngomlilo

Mkhuliseni Sizani

Umlutha we-Tik uthungelwe ngomlilo endlini washa waze washona elokishini lase-Govan Mbeki e-Gqeberha, phambilini ebiyaziwa nge-Port Elizabeth, ngeSonto, mhla zingama-28 kuNhlolanja.

Lokhu kuza ngemuva kokuthi u-Anele Namba, oneminyaka engama-26, ethele indlu yomndeni wakhe ngophethiloli wase eyokhela ngomlilo.

Ubaba ka-Anele, u-Eric Gegesi utshele abakwa-Scrolla.Africa ukuthi ubengekho ekhaya ngesikhathi kusha indlu yakhe.

“Indodana yami ibikhala ngokuthi angimthandi njengoba ngithanda umfowabo omdala okungesilo iqiniso,” kusho u-Eric.

“Ubengumuntu odala izinkinga wayentshontsha izinto zethu eziyigugu ezidayise ukuze athenge i-tik.”

Isenzo sika-Anele sishiye umndeni wakhe wamalungu ayi-13 ungenakhaya futhi ungenayo imali yokumngcwaba.

“Cishe ngehora lesibili ekuseni ngavuswa ngamaphoyisa asitshela ukuthi indodana yethu ishiswe yibhomu kubo  kamngani wayo e-17. Ngokusobala yaya khona ngoba ingibalekela,” kusho u-Eric.

“Zonke izingane zami eziyisithupha, kubalwa nabazukulu bami balahlekelwe izincwadi zabo zesikole. Omazisi bethu nezitifiketi zokuzalwa nazo zicekelwe phansi.”

Umndeni unxusa omuSamariya Abahle ukuba basize.

“Siphila ngemali yesibonelelo sezingane futhi asinayo imali yokwakha kabusha ikhaya lethu noma yokungcwaba indodana yethu,” kusho u-Eric.

UKaputeni uAndre Beetge uthe, “Cishe ngo-2: 15 ekuseni kushe indlu eku-Baart Street yashiswa ngabahlaseli abangaziwa kanti u-Anele ushonele emlilweni. Imbangela yalokhu kuhlasela ayikaziwa. Kodwa amaphoyisa asola ukuthi ekuqaleni ulwe nabantu endaweni. Kuvulwe icala lokubulala nelokushisa impahla.”