Celani Sikhakhane
UMengameli uCyril Ramaphosa umemezele ukuthi ukugqokwa kwezifonyo ngeke kusadingeka uma uhamba ngaphandle njengoba uhulumeni elungiselela ukuphuma esimeni senhlekelele ye-Covid-19 ngomhlaka-16 kuMbasa.
URamaphosa wenze lesi simemezelo ngoLwesibili ebusuku ngesikhathi ekhuluma nesizwe mayelana nokuqedwa kweminye imithetho ye-Covid-19.
Izifonyo kusazodingeka ukuthi sizigqoke endaweni engaphakathi njengoba usuke ugibele itekisi, isemahhovisini nasenxanxatheleni yezitolo.
UMengameli uphinde wathi labo abangena eNingizimu Afrika kusamele bakhombise ubufakazi bokugonywa noma ubufakazi bokuthi bayihlolele yini i-Covid-19 kungakadluli amahora angu-72.
Umthetho wokuqhelelana imitha elilodwa usazoqhubeka kodwa ezikoleni angeke usenziwa.
Ezinye izinguquko zihlanganisa:
● Isibalo sabazohambela umngcwabo sizonyuka sisuka ku-100 siye ku-200.
● Izinkundla zemidlalo neminye imicimbi manje sezizovumela umthamo ongafika ku-50%, kodwa abahambele lezi zindawo kufanele bagonywe noma babonise ukuthi abanayo i-Covid-19.
● Imithetho yemicimbi emikhulu izohlala injalo: inani labantu kumele libe ngu-1,000 ngaphakathi, kodwa ngaphandle inani labantu kumele libe ngu-2000.
UMengameli uphinde wazinika isikhathi sokucabanga ngeminyaka emibili edlule yalolu bhubhane, wathi umvalelandlini kwakuyinto eqalayo futhi ibingakaze yenzeke kodwa wasiza ukubamba ukubhebhetheka kwaleli gciwane.
“Manje sesikulungele ukungena esahlukweni esisha,” kusho uMengameli.