Lubhalwe nguRazeen Gutta
U-Alvaro Morata nonkosikazi wakhe, u-Alice Campello, kubikwa ukuthi banqume ukuhlukana ngemuva kwengxabano eshubile kulandela ukunqoba kwe-Spain i-Euro ka-2024 ihlula i-England ngoNtulikazi.
UMorata uchaze ukuhlukana ngokuthi kubuhlungu, kanti uCampello uchaze ukuthi ukuhlukana akubangelwa ukuphinga emshadweni wabo kodwa ukungabikhona kozinzo ebudlelwaneni babo.
Intatheli yase-Spain u-Alexia Rivas udalule ukuthi ukungezwani phakathi kwala bashadikazi kufinyelele esimweni esibucayi phakathi nemigubho ye-Euro ka-2024 e-Germany.
UCampello kuthiwa ubefuna ukugubha noMorata nezingane zabo bodwa, ngaphandle kwabazali bomyeni wakhe abathintekayo.
Njengoba uMorata ejwayela impilo yeqembu lakhe elisha, i-AC Milan, kubonakala sengathi laba bashadikazi ngeke babuyelane ngoba sekunamaphepha esehlukaniso aselungisiwe.
“Ngikhathele ngabantu abangisola ngokungathembeki,” uMorata etshela uD Corazon ku-La 1.
“Angizange ngiye ngisho nasephathini yeqembu lesizwe ukuze ngigweme amahlebezi. Ngiphatheke kabi. Ngishiye e-Spain ngoba angisakwazi ukumelana nengcindezi nokugxekwa.”
Esithombeni esingenhla: U-Alvaro Morata.
Umthombo: @fabrizioromano