Lubhalwe nguRorisang Modiba
Ngemva kokuba uMakhadzi ecele abantu baseNingizimu Afrika ukuthi basize ngokuvala izihlalo ku-One Woman Show ngomhlaka-21 kuZibandlela, uNgqongqoshe wezeMidlalo, ubuCiko naMasiko uGayton McKenzie washeshe wangenela ukusiza.
Uthe uzothenga amathikithi angu-200 azowanika abalandeli.
“Ngizobe ngikhona futhi ngizothengela labo abafuna ukungiphelezela ePeter Mokaba Stadium amathikithi angu-200 ukuze sibone izihlabani zethu ezinkulu emhlabeni,” kubhala uMcKenzie, enezela ama-emojis avuthayo.
UMakhadzi ku-X ubuze ukuthi kungani kungathatha cishe iminyaka emibili ukugcwalisa inkundla, ekwazi ukuhlala abantu abangu-46,000 kodwa uChris Brown udayise izihlalo ezingu-94 736 zaseFNB Stadium ngamahora.
“INingizimu Afrika KE MOVIE SO NNA kumele ngithathe iminyaka ukuze ngigcwalise i-Peter Mokaba Stadium, kodwa uChris brown kumthathe amahora amabili. Yoo lenalede tsele. Gale bona batho lena lebo hyper nyana Shem. Rekang di amathikithi ngaphambi kwe-kella,” kubhala yena.
NgoMandulo, uMakhadzi waseLimpopo waxolisa ngemuva kwevidiyo yakhe ethi Jealous Down ecasule ababukeli abangakwazi ukuzwa emadlebeni.
Esithombeni esingenhla: UMakhadzi noGayton Mckenzie.
Umthombo: Instagram.