Lubhalwe nguLucky Vince Pienaar
Emizuzwini emibili kuphela kuqale umdlalo wamanqamu weNdebe yoMhlaba e-Stade de France e-Paris, uShannon Frizell uthole ikhadi eliphuzi ngokudlala kabi kulo mqhudelwano.
Njengoba unompempe weNdebe yoMhlaba uWayne Barnes anquma, uFrizell wawela emlenzeni kaBongi Mbonambi ngenhloso ngesikhathi edlala, wamkhipha emdlalweni futhi wacishe waqeda umsebenzi kaMbonambi webhola lombhoxo.
UBarnes waphakamiss ikhadi eliphuzi kuFrizell ngokudlala kabi.
“Abakwazi ukulahla isisindo sabo emilenzeni yomdlali,” kusho uBarnes.
Ikhadi eliphuzi libuyekeziwe kodwa alizange lenyuselwe kwelibomvu, njengoba isikhulu somdlalo wamaNgisi uTom Foley ebona lesi sigameko ngendlela ehlukile.
“Kuzohlala kuyikhadi eliphuzi njengoba ubengaqondile emlenzeni ongenzansi. Uwe emlenzeni ongezansi njengengxenye yomdlalo wokumkhiphela ngaphandle,” kuphetha uFoley.
Ama-All Blacks ayazi, kanjalo nomhlaba wonke, ukuthi amaBhokobhoko abezama inhlanhla ngokuletha uHandré Pollard ngemuva kokulimala kukaMalcolm Marx.
INingizimu Afrika ibuye kulo mdlalo noDeon Fourie kuphela obambele ihooker, okushiye iqembu lintekenteke ngemuva kokuhamba kukaMbonambi.
UFourie udlale umdlalo wempilo yakhe futhi waba nesandla ekunqobeni kwamaBoks ngephuzu elilodwa.
Kuningi okushiwo ngekhadi elibomvu likaSam Cane, elishiye i-All Blacks inabadlali abangu-14 kuphela enkundleni ingxenye enkulu yomdlalo. Ukuhamba kukaMbonambi, ngasizathu simbe, kukhunjulwa njengesigameko nje esenzeke ebholeni lo mbhoxo, uma kukhona abakukhumbulayo.
Futhi manje umdlalo kaFrizell, ohlezi ezicabangela yena, akushiwo lutho ngawo ngaphambi komdlalo phakathi kwamaBhokobhoko nama-All Blacks e-Emirates Ellis Park.
Kodwa uMbonambi ngokungangabazeki uzokhumbula ukuthi kwakunjani ukuphuma enkundleni njengoba iphupho lakhe leminyaka lokudlala ne-All Blacks kowamanqamu eNdebe yoMhlaba lingaphumelelanga.
Akekho owazi ukuthi uzizwa kanjani ngalesi sigameko ngoba akekho noyedwa umuntu, ngisho noMbonambi oke washo okuthile ngayo.
Nokho-ke kungashiwo ukuthi uMbonambi uzobe ezimisele ngokudlala ngenhliziyo yakhe uma engena enkundleni ngoMgqibelo ntambama.
AmaBhokobhoko azobhekana ne-All Blacks, e-Emirates Ellis Park ngo-5pm, ngoMgqibelo ngomhlaka-31 kuNcwaba.
Osesithombeni esingenhla: UBongi Mbonambi.
Umthombo: Springboks/X