Karabo Rammutla
UDJ Maphorisa usolwe kwi-podcast titan MacG ngokuba isithiyo sempumelelo yomculo wama-piano kanti lokho akuzange kuhlale kahle kuye.
Ungene ku-Twitter ebuza uMacG ogama lakhe langempela uMacgyver Mukwevho ukuthi ikuphi inkinga njengoba emdelele kangaka.
UMacG owethula uhlelo olushisa izikhotha olubizwa nge-Podcast and Chill noSol Phenduka usole uMaphorisa ngokuba yisithiyo kulo mkhakha wama-piano. Ubekhuluma ku-podcast ngemuva kokukhipha i-EP yama-piano enesihloko esithi “I Put My Name On.”
Usole uMaphorisa ngokuvimba noma imuphi umculi wama-piano ofuna ukuzakhela igama noma kudlalwe izingoma zakhe emsakazweni uma engazange aqale athole imvume kuye.
UMacG uthe akamesabi uMaphorisa nemizamo yakhe yokuzama ukumisa impumelelo ye-EP yakhe.
Ngemuva kokungatholi mpendulo ku-MacG ku-Twitter uMaphorisa uye ku-Instagram okuyilapho esabise khona impi ngokumelene nomsakazi.
“Sizohlangana emagigini noMacG kuzomele achaze. Ayikakapheli lento kuzoba nempi futhi mina angidlali.”
UMaphorisa esebenzisa isisho sase-Afrika esithi “Yize izintaba zingasoze zahlangana kodwa ngenxa yethunzi lazo ziyahlangana”, uthe ekugcineni uzohlangana noMacG.
UMaphorisa ungusondonzima embonini yama-piano usevumbulule amakhono abaculi abafana noKabza de Small, uShasha nabanye abaningi.
Izingoma eziningi zama-piano kukhona uMaphorisa ecula kanti abanye baze bamncome ngokusungula uhlobo lomculo oludumile.
Isithombe esingenhla esika-MacG ekhuluma ngokuthi akamesabi uDJ Maphorisa
Umthombo: @MacGunleashed