Kushone abantu abahlanu okuhlanganisa namantombazane amabili aneminyaka emibili neyisithupha ubudala esigamekweni sokugwaza endaweni yase-Bethany e-Bergville, KwaZulu-Natal.
Umsolwa, okukholakala ukuthi uyilungu lomndeni, usagcwele amathafa.
Kushone abantu abahlanu okuhlanganisa namantombazane amabili aneminyaka emibili neyisithupha ubudala esigamekweni sokugwaza endaweni yase-Bethany e-Bergville, KwaZulu-Natal.
Okhulumela amaphoyisa uRobert Netshiunda ukuqinisekisile ukuthi kubagilwa kukhona izingane ezimbili, owesifazane okhubazekile kanye nesalukazi ebesivakashele kulo muzi.
Amalungu amabili omndeni, unina kamsolwa nentombazane eneminyaka emine, basinde kulesi sigameko benamanxeba okugwazwa amaningi.
UNetshiunda uphinde waveza ukuthi udadewabo kamsolwa ukwazile ukubaleka nengane yakhe enonyaka.
Umsolwa ubenamacala amaningi odlame lwasekhaya abevulelwe wona, kodwa ahoxiswa ngokuzithandela.
Uphenyo mayelana neminyaka eqondile yabagilwa lusaqhubeka.
Lubhalwe ngumbhali we-Stuff
Esithombeni ngenhla: Isithombe esiwumfanekiso.
Umthombo: X