Dylan Bettencourt
Ibhola akuwona umsebenzi wempilo yakho yonke futhi abadlali abafika ekugcineni kwempilo yabo yokudlala kufanele bacabange ukuthi impilo yabo izoba njani uma sebethathe umhlalaphansi.
Umdlali weKaizer Chiefs, uWillard Katsande, ukhethe ukuba ngusomabhizinisi.
Lo mdlali oneminyaka engama-35 ubudala owazalelwa e-Zimbabwe okwamanje odlalela i-Sekhukhune United ezinze e-Limpopo uvule inkampani iKatsande Partners, ehlinzeka ngezinsiza ezifana nokukhanda, ukupenda kanye ne-hardware solutions.
UKatsande, ohlonishwa kakhulu njengomuntu odla ingqephu, usethathe igxathu elikhulu kule mpi yokugcina imali yakhe ikhona ngemuva kokuthatha umhlalaphansi ngokuthi asungule izingubo zakhe zokugqoka ezibizwa nge-“Kitoko”.
Abadlali bebhola abaningi babheka ukuqeqesha njengethuba ngemuva kokudlala kwabo kanti lo mdlali wasesiswini wase-Zimbabwe akakuchithanga lokho.
Utshele i-Prime Sport ukuthi angathanda ukubuyela kuMakhosi ngomsebenzi wokuqeqesha.
Abadlali abaningi bakudala babone imali yabo iphela ngemuva kokudlala kwabo ku-Premier Soccer League (i-PSL).
UPhilemon Masinga wayengumdlali kanye nemenenja ehamba phambili ebholeni laseNingizimu Afrika waze wamela iBafana Bafana eNdebeni yoMhlaba yowe-1998, kodwa isithabathaba sakhe somuzi sathathwa kwadingeka ukuthi abuyele ekhaya ayohlala nomama wakhe. Wadlula emhlabeni ngowezi-2019 ngemuva kokuxinwa ukugula okungadalulwanga.
UThembinkosi Fateni ungene ogibeni lokuthatha umhlalaphansi ngemuva kokujabulela umsebenzi oncomekayo ku-Ajax Cape Town, i-Bidvest Wits kanye ne-Orlando Pirates. Lo mdlali weBafana Bafana wadalula ngowezi-2014 ukuthi akasakwazi ukuziphilisa.
Kubaluleke kakhulu ukuthi bonke abadlali bebhola baqinisekise ukuthi izimpilo zabo ngemuva kwebhola ziyasimama futhi bayakwazi ukukhiqiza imali ethile. Yize abadlali abaningi benamabhizinisi abawagcine ngasese, uKatsande ukhombisa impilo yakhe ngaphandle kwebhola kuma-akhawunti akhe ezinkundla zokuxhumana.
Umthombo wesithombe: @WillardKatsande