Dylan Bettencourt
Amaqembu ebhola ase-Ghana i-Ashanti Gold ne-Inter Allies ahoxisiwe ezigabeni ezimbili ngenxa yokungaziphathi kahle.
Ukulungiswa komdlalo kwenzeka ngoMandulo odlule ngesikhathi i-Ashanti Gold inqoba ngamagoli ayisikhombisa eqandeni. Kulo mdlalo kuthiwa kwaba nezandla sentence.
Lesi sigameko siphenywe i-Ghana Football Association (i-GFA) ethole womabili amaqembu enecala lokungenzi kahle.
Ivolontiya le-Inter Allies u-Emmanuel Amoah unikezwe isigwebo sadilika jele ngeqhaza lakhe kulo muga.
UMengameli we-Ashanti Gold uDkt Kwaku Frimpong ugwetshwe iminyaka engu-10 futhi wahlawuliswa u-R210,000. Indodana yakhe ivinjelwe iminyaka eyisishiyagalombili kanye nenhlawulo ka-R100,000.
Umdlali oshayele ezakhe amagoli ekuqaleni uvalwe iminyaka emibili, kodwa lokho kwehliswa kwaba izinyanga eziyisithupha ngeqhaza lakhe ngokukhuluma iqiniso.
Bobabili abaqeqeshi nabaphathi bamaqembu ohlangothini ngalunye banikezwa isigwebo seminyaka emibili.
Abadlali abangu-25 bathole ukuvinjelwa phakathi kweminyaka emibili nemine.
UNana Kwasi Darling obengumqondisi wezemidlalo ngesikhathi kwenzeka lesi sigameko e-Ashanti usesole i-GFA ngokukhetha ubulungiswa.
Ubona sengathi uhlangothi lwakhe lwangaphambilini lwalujeziswe ngokungafanele ngoba aluzange luvotele uMengameli we-GFA.
“Lokhu okwenzekayo akubhekisiwe kwi-Inter Allies. Inhloso i-AshGold,” kusho uKwasi.
“Akekho ovela e-AshGold ovotele uKurt Okraku ngakho yonke into igxile ku-AshGold.
Kuthiwani nge-Inter Allies eshaye amagoli amabili? u-Okraku waba nguMengameli we-GFA ngonyaka ka-2019.
I-Ghana kudala inezinkinga ngokulungiswa komdlalo. Abalandeli beBafana Bafana bazizwe bekhohlisiwe ngesikhathi kukhishwa iphenalthi kuma-Black stars kuhlungelwa iNdebe yoMhlaba nyakenye.
IBafana ihlulwe ngegoli elilodwa eqandeni emdlalweni wokuhlungela iNdebe yoMhlaba e-Qatar.
Umthombo wesithombe:@FootballGhana