Lubhalwe nguRorisang Modiba
UMnakwethu uzobuyela kuMzansi Magic ngoLwesibili ngomhlala-7 kuNtulikazi ka-2026, ngo-8 ebusuku, uMusa Mseleku ubuye njengomethuli wohlelo kuSeason 5.
UMseleku uthi kule sizini kukhona izithandani zamasiko ahlukene, ezikhombisa ukuthi imiphakathi eyahlukene isithatha kanjani isithembu nezingqinamba ezihambisana naso.
UMnakwethu ubuyile. Uhlelo lwangempela olufaka amadoda ashadile ekamelweni namakhosikazi awo bese lubuza umbuzo othize lubuyela kuMzansi Magic ngoLwesibili,l ngomhlaka-7 kuNtulikazi ka-2026, ngo-8 ebusuku.
UMusa Mseleku uzophinde Abe ngumethuli.
Waziwa kakhulu ngohlelo Uthando neS’thembu, lapho amakhosikazi akhe amane ephila impilo yesithembu. KuMnakwethu uhleli ngale kwetafula uqondisa amanye amadoda ngalowo mbuzo.
Isizini yesihlanu izolandelela abashadile ezingxoxweni ezinzima mayelana nokwethembana, uthando kanye nekusasa lemishado yabo. UMseleku uzosiza eminye imindeni ukuthi ihlangane okokuqala ngamakhosikazi esibili.
Le sizini iletha okusha. UMseleku uthi kulo mdlalo kuzobe kunandisa abantu bamasiko ehlukene, kubhekwe ukuthi umphakathi ngamunye usiqonda kanjani isithembu nezinkinga ezisilethayo.
Ukholelwa ukuthi uMnakwethu uxhumana nababukeli ngoba izinkinga ezikhona akuzona kuphela isithembu.
“Abantu yonke indawo babhekene nezinselelo zobudlelwane ezifanayo. Imizwa, amandla omndeni nezinqumo ezishintsha impilo ohlelweni yinto ababukeli abaningi abangazihlanganisa nayo,” esho.
UMseleku uthe uyaziqhenya ngokwenziwe lolu hlelo ukuze kuxoxwe esidlangalaleni ngomshado waseNingizimu Afrika. Uthe umgwaqo ubungelula ngaso sonke isikhathi, kodwa inhloso bekulokhu kuyizingxoxo eziqotho.
UMnakwethu Season 5 uzoqala kuMzansi Magic ngomhlaka-7 kuNtulikazi ka-2026.
Osesithombeni esingenhla: UMusa Mseleku.
Umthombo wesithombe: Instagram