Lubhalwe ngu-Anita Dangazele
Ukushayisana ngqo phakathi kwe-Volkswagen Polo ne-Renault ku-N2 eduze kwase-Mooiplaas kubangele ukushona kwabantu abahlanu, kanti oyedwa ulimale kakhulu.
Uthisha okukholakala ukuthi ubesebenza e-Qumrha Primary School ubephakathi kwabashonile ngemuva kokuba imoto i-Renault ishe ngesikhathi sokushayisana.
Abantu abahlanu bashonile kanti oyedwa usesimweni esibucayi ngemuva kokushayisana ngqo kwezimoto ku-N2 eduze kwase-Mooiplaas, ngaphandle kwase-KuGompo City, kusho uMnyango Wezokuthutha wase-Eastern Cape.
Le ngozi ibandakanya i-Volkswagen Polo ne-Renault.
Imoto i-Renault ishe ngesikhathi sokushayisana. UMnyango uthe umshayeli, okukholakala ukuthi ube nguthisha e-Qumrha Primary School, akakwazanga ukuhlonzwa ngokushesha ngenxa yokuthi imoto ibishiswe kakhulu ngumlilo. Abane kwabahlanu abebehamba nge-Volkswagen Polo indoda eyodwa nabesifazane abathathu nabo bashonile. Umgibeli osindile ulimale kakhulu futhi waphuthunyiswa esibhedlela sase-KuGompo City.
Umgaqo omkhulu u-N2 uvalwe ngokuphelele ngenkathi amaqembu okuhlenga, ekhipha izidumbu endaweni yesigameko. Abashayeli bezimoto banxuswe ukuthi basebenzise eminye imigwaqo.
“UMnyango udlulisa amazwi enduduzo ajulile emindenini nakubantu abasondelene nalabo abashonile, futhi ufisela osindile ukuthi alulame ngokushesha,” kusho umnyango esitatimendeni.
Esithombeni esingenhla: Abantu abahlanu bashonile kanti oyedwa usesimweni esibucayi ngemuva kokushayisana kwezimoto ku-N2 eduze kwase-Mooiplaas, ngaphandle kwase-KuGompo City.
Umthombo wesithombe: UMnyango Wezokuthutha wase-Eastern Cape