Lubhalwe ngu-Everson Luhanga
Kudutshulwe kwabulawa iphoyisa nomnikazi wetekisi ngaphandle kwesiteshi samaphoyisa eKagiso eWest Rand.
Abahlaseli basebenzise isibhamu sezinga eliphezulu (high calibre rifle).
Iphoyisa lesifazane nowesilisa ongumnikazi wetekisi bebehleli kwiFord Figo ngesikhathi bedutshulwa. Bobabili bashonele endaweni yesigameko.
Ozibonele ongathandanga ukudalulwa uthe abahlaseli bebesebenzisa isibhamu sohlobo oluphezulu.
Iphoyisa ebelingekho emsebenzini belihlezi esihlalweni somgibeli. Umshayeli wetekisi ubesanda kufika nje ephuma eNkantolo yeMantshi yaseKagiso.
Ngemuva kokudubula, abahlaseli bahambe ngemoto eluhlaza okwesibhakabhaka ebingenayo inombolo yokubhalisa.
Amaphoyisa afika ngokushesha, avala indawo, aqala uphenyo.
Indawo yesigameko ibisaphithizela ngesikhathi kushicilelwa lo mbiko.
Isithombe esingenhla: Isigameko sobugebengu obuqhubekayo ngaphandle kwesiteshi samaphoyisa saseKagiso.
Umthombo: Sithunyelwe