UCelani Sikhakhane ukulethela izindaba zakamuva zaKwaZulu-Natal.
ENanda – Udinwe ugane unwabu umndeni womholi weqembu lezigelekeqe uMnqobi “Number 10” Nzimande ngemuva kokuba amaphoyisa emise amasiko awo omngcwabo nokusolakala ukuthi azibambele mathupha isidumbu sakhe. Umngcwabi uBee Jay ukhulume emsakazweni iGagasi FM ukuthi amaphoyisa abulale ibhokisi phambi komndeni ashaya nembuzi ebihloselwe ukwenza isiko lamadlozi. Izintombi zikaNzimande zikhale emngcwabeni zathi manje sezizizwa zingaphephile njengoba engasekho ukuzozivikela. Lo mholi weqembu lezigelekeqe, oshone eneminyaka engu-22 ubudala, udlame waluqala kusukela eneminyaka engu-15.
E-Durban – UNgqongqoshe wezemiSebenzi yoMphakathi neNgqalasizinda uMartin Meyer useqoke abaholi abasha ebhodini labesifazane kwezokwakha. UMeyer umemezele lokhu ngoMsombuluko njengengxenye yohlelo lwakhe lokushintsha imboni yezokwakha futhi ayivikele ezingebengwini ezisendimeni ezimsabise ngokumbulala.
OLundi – Isimo sezulu esingesihle sicekele phansi ibhilidi elinomlando eKZN, oLundi. Ibamba lika-HOD wezemisebenzi yomphakathi u-Vish Govender uhlole lesi sakhiwo ngemuva kokuba umoya onamandla nezimvula ezinamandla zicekele phansi izingxenye zaso. Lesi sakhiwo esinehhovisi leSilo uMisuzulu kaZwelithini neminye iminyango kahulumeni sizovalwa kuze kube siyalungiswa.
Esithombeni esingenhla: Amaphoyisa nomphakathi baphazamise umngcwabo womholi weqembu lezigelekeqe eNanda uMnqobi “Number 10” Nzimande, bahlasela isidumbu sakhe nembuzi ebihloselwe ukwenza isiko.
Umthombo wesithombe: i-screenshot saku-TikTok