Lubhalwe nguRazeen Gutta
Abasubathi baseNingizimu Afrika kuma-Paralympic babuyele ekhaya bephuma e-Paris bephethe izindondo ezimbili zegolide nezethusi ezine, okuyisibalo esincane kunazo zonke esitholwe yileli lizwe kusukela labuyiselwa emidlalweni ngo-1992.
I-China iqhwakele phezulu ngezindondo ezingu-219, kanti ezingu-94 kuzo ezegolide.
Abadlali baseNingizimu Afrika abayisithupha basale endaweni ka-45 njengoba behluleke okokuqala ngqa ukuqeda ku-top 40.
UMpumelelo Mhlongo ube ngumdlali ovelele kubasubathi bakuleli, kanti lo msubathi oneminyaka engu-30 ubudala uhlomule igolide kowamanqamu e-T44 100 metres waphinde wadla ubhedu ngeyethusi emqhudelwaneni we-T64 200 metres.
USimone Kruger uwine indondo yegolide yeNingizimu Afrika njengoba ephumelele ku-F38 discus throw yabesifazane.
Lo mpetha womhlaba oneminyaka engu-19 ubudala uqophe irekhodi elisha le-Paralympic ngokuphonsa kwakhe umzuliswano wesithathu wamamitha angu-38.7 futhi wanqoba ngamasentimitha ayisithupha.
ULouzanne Coetzee ungomunye wabadle ubhedu ewina eyethusi ngesikhathi egijima owamanqamu we-T11 1500 metres ngo-4:35.49 ehambisana nomqondisi wakhe wethrekhi u-Estean Badenhorst.
Umdlali we-Quadriplegic handcyclist uPieter du Preez kanye nezihlabani zethenisi ezihamba ngesihlalo esinamasondo uDonald Ramphadi kanye noLucas Sithole bawine eyethusi njengoba uhlelo olunzima lwale Midlalo lufike esiphethweni kwabaseNingizimu Afrika.
Osesithombeni ngenhla: Umsubathi weqembu lakuleli uMpumelelo Mhlongo.
Umthombo: @africafactszone