Lubhalwe nguSelloane Ntshonyane
IMarch and March itshele isithangami saseGoli ngoLwesithathu ukuthi zonke izinyathelo zangomhlaka-30 kuNhlangulana zizokwenziwa ngokuthula futhi zihambisana nomthetho azixhumele nanoma yiliphi iqembu lezepolitiki.
UNgqongqoshe wamaPhoyisa osabambile, uFiroz Cachalia, uthe ngoMsombuluko ukusebenza kwamaphoyisa ngomhlaka-30 kuNhlangulana kuzodla imali engaphezu kuka-R600 million, imali athe ngabe ingene eziteshini zamaphoyisa nasemiphakathini.
I-March and March Movement inikeze uhulumeni izinsuku eziyisithupha.
Phendula ekukhathazekeni kwethu mayelana nokufika kwabantu bakwamanye amazwe ngokungemthetho ngaphambi komhlaka-30 kuNhlangulana, inhlangano yasho esithangamini somphakathi eGoli ngoLwesithathu, noma abantu bazogcwala emigwaqeni.
Okhulumela iMovement, uJacinta Ngobese-Zuma, uthe yonke imibhikisho kumele ihlale ngokuthula futhi ibe ngaphansi komthetho.
Uthe lo mbutho awuhlangene nanoma yiliphi iqembu lezepolitiki futhi wacela uhulumeni ukuthi abeke phambili abantu baseNingizimu Afrika ngezidingo nemisebenzi.
Uthe abokufika abangenazo izincwadi kumele babuyele emakhaya bayolungisa amaphepha abo khona.
UNgobese-Zuma uthe uhulumeni akenzi okwanele ngemithetho yabokufika futhi wabuza ukuthi kungani iNingizimu Afrika inabasebenzi ababalelwa ku-800 kuphela bokufika.Uthe abaningi balabo basebenzi abawenzi umsebenzi wabo ngendlela.
Uphinde wachitha izinsolo ezisabalele ezinkundleni zokuxhumana zokuthi le nhlangano ixhaswa ngabakwa-Israel, wathi isebenza ngeminikelo yendawo.
“Ike yasicela izitatimende zasebhange sathi cha? Sinazo izitatimende zasebhange lapho abantu benikela khona,” kusho uNgobese-Zuma.
Lesi sithangami senzeke ngemuva kwezinsuku ezimbili iBamba likaNgqongqoshe wamaPhoyisa uFiroz Cachalia liqinisekis ukuthi ukusebenza kwamaphoyisa ngemibhikisho yangomhlala-30 kuNhlangulana kuzodla imali engaphezu kuka-R600 million. UCachalia uthe imali ijwayele ukuya eziteshini zamaphoyisa namaphoyisa omphakathi.
“Imali ebingasetshenziselwa ukuthuthukisa ezokuphepha emiphakathini naseziteshini zamaphoyisa manje kumele isetshenziselwe ukuqinisekisa ukuthi sinezinsiza zokubhekana nalo mbhikisho,” kusho uCachalia.
UCachalia wengeze ngokuthi i-SAPS ikulungele ukubhekana nanoma yiluphi udlame noma ukucekelwa phansi kwempahla, nokuthi uMbutho Wezokuvikela Kazwelonke waseNingizimu Afrika nawo ungase ujutshwe uma kudingeka.
Inhlangano ithe inethemba lokuthi uhulumeni uzophendula ngaphambi komnqamulajuqu.
Esithombeni esingenhla: Umkhulumeli we-March and March Movement uJacinta Ngobese-Zuma ethula inkulumo yakhe esithangamini somphakathi esihlanganyelwe eGoli ngoLwesithathu ngomhlaka-24 kuNhlangulana ka-2026.
Umthombo wesithombe: Sithunyelwe