Lubhalwe nguDylan Bettencourt
U-Aubrey Modiba uthi uHugo Broos ubebhizinisi angakayiqedi neBafana ngemuva kokushintsha umqondo nenkolelo yeqembu.
UBroos akakaqinisekisi ikusasa lakhe, kanti uPitso Mosimane ukhonjwa kuBafana ngemuva kweNdebe yoMhlaba.
U-Aubrey Modiba ufuna uHugo Broos asale neBafana Bafana.
Lo mqeqeshi waseBelgium uthe i-2026 Fifa World Cup kuzoba umsebenzi wakhe wokugcina ebholeni ngemuva kweminyaka engamashumi ayisithupha enza lomsebenzi okhokhelwayo.
Kodwa uBroos uhoxile kuleso sitatimende. Uthe angase aqhubeke nokusebenza neSafa uma besamfuna nakuba kungase kungabi njengenhloko yomqeqeshi.
UModiba ufuna aqhubeke ephethe.
“Ngiyethemba ukuthi uzohlala. Ngiyethemba ukuthi uzohlala! Unebhizinisi angakaliqedi ne-Afcon. Ngakho, ngithemba ukuthi uzohlala,” kusho uModiba.
UBroos uneminyaka engu-74 kanti ungumqeqeshi osenesikhathi eside emlandweni weBafana.
Uthathe izintambo ngo-2021 ngemuva kokuthi iNingizimu Afrika ihlulekile ukuya ku-Afcon yalowo nyaka. IBafana ibiqede endaweni yesithathu eqoqweni neGhana, Sudan neSao Tome & Principe.
Kusukela lapho, uBroos useshintshe indlela yeqembu.
Uhole iBafana endaweni yesithathu ku-Afcon ka-2023, okuwukuqala kwayo kusukela ngo-2000. Uphinde wasiza iNingizimu Afrika ukuthi ingene eNdebeni yoMhlaba okokuqala ngqa eminyakeni engu-24.
ENdebeni yoMhlaba ka-2026, iBafana ifinyelele okokuqala esigabeni somkhumulajezi.
Amathemba abo aphele ngeSonto ebusuku ngesikhathi behlulwa ngo 1-0 yiCanada eSoFi Stadium eLos Angeles emzuliswaneni ka-32.
ISafa imataniswa noPitso Mosimane ukuthi angavala isikhala uma uBroos ehamba.
Kodwa uModiba uthe uBroos useyishintshile inkolelo eqenjini.
“Ube nomthelela omuhle kakhulu eqenjini,” kusho uModiba.
“Ulishintshile ibhola laseNingizimu Afrika, uma sikhuluma iqiniso.
UModiba uthe iBafana ayisawesabi amaqembu amakhulu.
“Siyakholelwa kithina, futhi sikholwa wukuthi singalingana nanoma yiliphi iqembu,” esho.
I-Afcon elandelayo izodlalwa ngoNhlangulana nangoNtulikazi ngonyaka ozayo e-Uganda, e-Tanzania naseKenya.
IBafana iseqoqweni lokuhlunga lapho izodlala khona neKenya, i-Eritrea neGuinea. Njengoba iKenya isivele isifanelekele ukusingatha.
UModiba uthe iBafana kumele ifunde eNdebeni yoMhlaba.
“Izifundo esizifunda kulo mqhudelwano uma uya phambili wukuthi uma wenza amaphutha bazojeza kuleli zinga eliphezulu ngenxa yezinga analo la maqembu,” usho kanje.
Uthe iBafana kumele isheshe ingene bese ishintshela emdlalweni ogcwele.
IBafana inabadlali abancane abaqhamukayo.
UBroos uqale ngabadlali abane abaneminyaka engaphansi kuka-23 bebhekene neCanada, okukhona kubo uMbekezeli Mbokazi, u-Ime Okon, uRelebohile Mofokeng noThapelo Maseko.
U-Olwethu Makhanya, Khulumani Ndamane noSamukele Kabini nabo bebehlezi ebhentshini.
“Ngijabule kakhulu ngekusasa laleli qembu,” kusho uModiba.
“Baningi abancane abadlalayo futhi benza kahle abadlali abafana noMbokazi no-Ime emuva ikusasa liqhakazile, ngiyabajabulela nje.”
Esithombeni esingenhla: U-Audrey Modiba.
Umthombo wesithombe: Audrey Modiba/Instagram