Umgadli ovelele uKylian Mbappe uphinde wagadla

Menzi Magubane

UKylian Mbappe uqhubeke nokuzimisela kwakhe ngesikhathi eshayela iParis Saint-Germain amagoli aholele iqembu ukuba libe ngompetha bomdlalo kowe-UEFA Champions League ngoLwesithathu ebusuku.

I-PSG ithathe amashansi komunye umdlalo owandulela owamanqamu lapho ehlule khona iBayern Munich ngo 3-2 e-Allianz Arena e-Germany emlenzeni wokuqala we-quarter-final.

Lokhu bekungukuhlulwa kokuqala kweBayern eYurophu kusukela ngoNdasa kowe-2019 futhi kuqede umjaho womdlalo wabo wesishiyagalolunye bengakahlulwa kuyo yonke imincintiswano kule sizini. Kuphinde kwaba ukuhlulwa kokuqala komqeqeshi uHansi Flick eYurophu njengomphathi.

Konke lokhu kungumphumela kaMbappe, oshaye amagoli amabili ukuqinisekisa ukuthi iPSG iyaziphindiselela ekuhlulweni kwayo ngesizini edlule kowamanqamu. Amagoli akhe anikeze iqembu lakhe ithuba elibalulekile njengoba bezoya e-Paris ngoLwesibili oluzayo.

UMbappe uphinde wagadla futhi ngesikhathi ehlula iBarcelona emzuliswaneni we-16, washaya amagoli amane ukukhipha uLionel Messi nozakwabo.

Umqeqeshi weBayern, uFlick uwushayele ihlombe umoya wokulwa wabadlali bakhe emuva kokuthi babuye ngamagoli amabili ukwenza kube ngu-2-2 ngaphambi kokuthi uMbappe ashaye igoli lakhe lesibili ukuholela iqembu lase-France empumelelweni.

UFlick uthe: “Angikuthandi ukuhlulwa kodwa ngiyaneliseka ngendlela esidlale ngayo. Iqembu lilwe enkundleni yonke imizuzu engama-90. Sidinga ukuba sefomini ngoLwesibili bese sinqoba lo mdlalo onzima esizobhekana nawo.”

Khonamanjalo e-Portugal, iChelsea izenzele izinto zaba lula ngaphambi komlenze wesibili ngoLwesibili oluzayo e-Stamford Bridge ngokushaya iFC Porto ngo 2-0 ukuze ithole iphuzu lokuqala.

Umthombo wesithombe: @totalcristiano