Lubhalwe nguDylan Bettencourt
UCarlos Queiroz ungene esikhundleni sika-Otto Addo njengomqeqeshi omusha waseGhana ngemuva kokuthi umfelandawonye umemezele lezi zindaba ngoMsombuluko.
IGhana izodlala ne-England, ne-Croatia kanye ne-Panama ku-Group L eNdebeni yoMhlaba noCarlos Queiroz ophethe izintambo.
Umfelandawonye waseGhana umemezele ngoMsombuluko ukuthi uCarlos Queiroz ungumqeqeshi omusha weGhana.
Lo mqeqeshi osemnkantshubomvu wase-Portugal uzohola i-Black Stars eNdebeni yoMhlaba ka-2026.
U-Queiroz uthatha izintambo ku-Otto Addo. Umfelandawonye waxosha u-Addo emasontweni amabili edlule. Lokhu kwenzeke ngemuva kwamahora ambalwa iGermany ishaye iGhana ngo 2-1 emdlalweni wobungani.
Lo mqeqeshi oneminyaka engu-73 ubudala uthatha izintambo eqenjini lakhe lesizwe lesishiyagalolunye. Uhlu lwakhe olude lwamaqembu esizwe luhlanganisa iNingizimu Afrika, i-UAE, i-Colombia, i-Egypt, i-Qatar kanye ne-Oman.
Lolu kuzobe kuwuhambo lwakhe lwesine eNdebeni yoMhlaba. Phambilini uke wayisa iPortugal kulo mqhudelwano ngo-2010. Uphinde wahola i-Iran kwiNdebe yoMhlaba ngo-2018 nango-2022.
Ngesikhathi sakhe, uQueiroz waphatha iReal Madrid. Uphinde wachitha izikhathi ezimbili njengomsizi ka-Alex Ferguson eManchester United.
“Umqeqeshi uQueiroz uqala umsebenzi wakhe ngokushesha ukuze alungiselele iBlack Stars umqhudelwano ozoqala mhlaka/11 kuNhlangulana,” kusho le nhlangano.
Umfelandawonye awushongo ukuthi inkontileka yakhe izophela yini ngale kweNdebe yoMhlaba.
IGhana ikuGroup L kulo mqhudelwano. Bazodlala ne-England, i-Croatia nePanama kuleli hlobo.
I-United States, i-Canada kanye neMexico yibo abasingatha iNdebe yoMhlaba ngokuhlanganyela.
Isithombe esingenhla: UCarlos Queiroz ungumqeqeshi omusha weGhana.
Umthombo wesithombe: Carlos Queiroz/Instagram