Lubhalwe nguRazeen Gutta
USimone Biles ubuyile futhi usefomini enhle.
Ngemuva kweminyaka eyishumi esesicongweni kwezemidlalo, uBiles usaqhubeka nokuhamba phambili emkhakheni wama-gymnastics ngokuba ngowokuqala ukunqoba zonke izicoco eziyisishiyagalombili ku-US Championships.
Lo mdlali osewine indondo yegolide kuma-Olympics amahlandla amane wephule irekhodi lowesilisa nowesifazane, njengoba enqobe umqhudelwano wakhe wesishiyagalombili ngeSonto ukuze adlule u-Alfred Jochim owawina izicoco eziyisikhombisa phakathi kuka-1925 no-1933.
UBiles uthole amaphuzu angu-118.40 ezinsukwini ezimbili e-SAP Center e-San Jose, e-California okumsize wawina ngamaphuzu amane aqondile ehlula uShilese Jones ophume isibili.
Lo mdlali waseMelika oneminyaka engu-26 ubudala, ube ngowesifazane omdala kunabo bonke abake bawina umqhudelwano.
Izindondo zegolide eziyishumi nesishiyagalombili kwezingu-25 zizonke yinto azofuna ukuyiveza uma esengena esiteji e-Antwerp ngenyanga ezayo.
Umphumela wase-California uzogqugquzela umbono wama-Olympics ase-Paris angonyaka ozayo nawo angawanqoba.
Lokhu kuza ngemuva kokuthi lo mdlali onerekhodi lezicoco eziyisishiyagalombili nobedlala emqhudelwaneni wesibili, ethathe ikhefu leminyaka emibili, eliqhamuke ngenxa yempilo yengqondo nezokuphepha.
Esithombeni esingenhla: USimone Biles
Umthombo wesithombe: @USAGym