Dylan Bettencourt
Indebe Yomhlaba Yekhilikithi i-T20 isizodlalelwa e-United Arab Emirates esikhundleni saseNdiya ngenxa yenkinga yobhubhane oluhlasele izwe.
USourav Ganguly, uMengameli weBhodi Yokulawula Ikhilikithi eNdiya (BCCI), uthe: “Sazise ngokusemthethweni uMkhandlu Womhlaba Wekhilikithi ukuthi iNdebe Yomhlaba ye-T20 ingadluliselwa e-United Arab Emirates.”
I-ICC yanikeza i-BCCI umnqamulajuqu wokuthi ithathe isinqumo sokuthi ngubani ozosingatha iNdebe Yomhlaba ye-T20 ngoNhlangulana. Isimo sokhuvuthe eNdiya senza ukuthi lo mqhudelwano umiswe ngoNhlaba kulandela abadlali nabaphathi abaningana abathola leli gciwane.
I-Indian Premier League edumile yathunyelwa e-UAE kulandela ukuqubuka kokhuvethe eNdiya ngoMandulo ngowezi-2020.
Isizwe saseNdiya sabhekana nezingqinamba ezinkulu ngemuva kokuqubuka okukhulu kokhuvethe, kodwa yehlise imikhawulo njengoba izinga lokutheleleka lincipha.
Umthombo wesithombe: @TheIndianExpress