Lubhalwe nguMpheni Tshivhase
UPeter Monyeki unekhishi elingumahamba nendlwana e-Protea Glen, e-Soweto, futhi lihlale livuliwe ngesikhathi semibhikisho elwa nabantu bokufika bakwabantu kwamanye amazwe abakuleli ngokungemthetho.
Uthi ubhalisiwe ngaphansi kweDolobha laseGoli, i-CIPC, futhi uyayikhokha intela, ngokungafani nabadayisi abangenazo izincwadi.
UPeter Monyeki ugcine ikhishi lakhe elingumahamba nendlwana livuliwe e-Protea Glen, eSoweto, ngoLwesibili ngesikhathi abanye abadayisi abaningi bevala ngenxa yemibhikisho.
Uthi ibhizinisi belingcono kunokwejwayelekile.
“Ngiyajabula ukuthi ngisebenza njengomuntu waseNingizimu Afrika namuhla ngoba isikhala sivulekele abantu bakithi,” usho kanje.
“Ngenze imali engingayenzi ekubeni kukhona laba abadayisi abangekho emthethweni.”
UMonyeki uqhuba ibhizinisi lakhe eduze kwe-CTM e-Protea Glen. Uthi ubhalisiwe ngaphansi kweDolobha laseGoli njengomhwebi, futhi unemvume yezempilo yemvelo yekhishi lakhe elingumahamba nendlwana ephuma esikhungweni se-UBC.
Uthi ubuye abhalise kwiCompanies and Intellectual Property Commission futhi akhiphe incwadi yentela minyaka yonke.
“Ngilibhalile ibhizinisi lami njengomuntu waseNingizimu Afrika,” usho kanje.
“Pho kungani kumele abantu beze ezweni lethu bengenazo izincwadi? Abawabhalisi ngisho amabhizinisi abo.”
UMonyeki uthi akekho ophazamise ibhizinisi lakhe. Kodwa uthi akafuni kube nguye yedwa ohwebayo.
“Empeleni kuyangijabulisa ukuthi ngisebenza ngedwa kodwa ngiyabadinga abantu baseNingizimu Afrika,” usho kanje.
“Ngidinga abantu abaningi baseNingizimu Afrika abazosebenza phakathi kwami.”
Esithombeni esingenhla: UPeter Monyeki ugcine ikhishi lakhe elingumahamba nendlwana livuliwe e-Protea Glen, eSoweto.
Umthombo wesithombe:UMpheni Tshivhase