Kuhlawuliswe umengameli wase-Namibia

Amaphoyisa ase-Namibia ahlawulise umengameli nabanye osopolitiki abaphezulu ngokwephula imithetho yomvalelo.

Umbuthano ophule imithetho bekungoweqembu elibusayo i-SWAPO ngenkathi behlangene emcimbini wokugubha iminyaka engama-60 selokhu kwaba khona leli qembu ephalamende.

Abasolwa kubandakanya umengameli wase-Namibia, uHage Geingob, iphini likamengameli kanye nondunankulu.

Lo mcimbi ubuvele kumabonakude kanye nasekhasini leqembu ku-Facebook – ngakho-ke bekungekho nzima ukuthola ubufakazi.

“Asitholakalanga sisohlangothini olufanele lwemithetho. Bekumele sivume ukuthi sinecala futhi sijezisiwe, sakhokha,” uMengameli uGingob utshele isithangami sabezindaba ngoLwesine.

Abephula umthetho ngamunye bahlawuliswa izinkulungwane ezimbili zamarandi- R2000.