Lubhalwe nguDylan Bettencourt
IMamelodi Sundowns idlala umlenze wesibili wamanqamu weChampions League nekilabhu yebhola yaseMorocco iRabat ngeSonto.
Umqeqeshi uMiguel Cardoso ufuna iMamelodi Sundowns ihlasele futhi ishaye igoli lasekuhambeni ukuze iwine umqhudelwano omkhulu webhola lase-Afrika.
IMamelodi Sundowns izongena enkundleni yezemidlalo yabalandeli abangu-70 000 eMorocco ngeSonto. Iqembu lasePitoli lihamba phambili ngegoli elilodwa emdlalweni wokugcina weChampions League ne-AS FAR.
ISundowns ifuna ukunqoba lo mqhudelwano bese yengeza inkanyezi yesibili ebhejini leqembu. Leli qembu lagcina ukuphakamisa le ndebe ngo-2016.
Umdlalo wokuqala obuseLoftus Versfeld Stadium, ePitoli, uphele iSundowns iwine igoli elilodwa. Kodwa kwaqubuka udlame ezinkundleni. I-video Assistant Referee monitor nayo yephuka phakathi nomdlalo.
Baqale banqaba ukudlala ngesikhathi izikhulu zitshela ikilabhu ngemonitha ephukile. Umqeqeshi weSundowns uMiguel Cardoso uthe ukhulume nomqeqeshi we-AS FAR u-Alexandre Santos ukudambisa isimo.
Nangesikhathi i-VAR ingasebenzi wangibona ngikhuluma nezikhulu zakwa-AS FAR,” kusho uCardoso.
Uthe womabili amaqembu kumele abe yisibonelo esihle ebholeni lase-Afrika. UCardoso uthe ubengazi ngezimpi ezikhona ezinkundleni zaseLoftus. Uthemba ukuthi akekho olimale kanzima.
UCardoso usehlulwe kowamanqamu amabili okugcina eChampions League. Uthe iSundowns ngeke ihlale phansi izovikela eRabat.
“Kumele sicabange ngazo zonke izikhathi, siqine kakhulu ekuvikeleni kodwa, uma siwina ibhola, silidlale,” kusho uCardoso.
Uthe ukushaya igoli lasekuhambeni kungasho ukuthi ngubani owinile. Uma iSundowns ishaya kanye, i-AS FAR kuzomele ishaye amagoli amathathu ukuze inqobe le ndebe.
Amaqembu aseMorocco asuse uthuthuva kowamanqamu muva nje. I-Wydad Athletic iphume enkundleni kowamanqamu ka-2018/19 ngenxa ye-monitor ephukile. ISenegal iphinde yaphuma enkundleni imizuzu engu-17 ngesikhathi ibhekene neMorocco kowamanqamu e-Africa Cup of Nations ngoMasingana.
Esithombeni esingenhla: IMiguel Cardoso.
Umthombo wesithombe: Ifayela