Lubhalwe nguZukile Majova
Uma iKwaZulu-Natal igcina isiphethwe uhulumeni wobambiswano, uMkhonto Wesizwe (MK) Party izogadla ngomuntu ofanelekile ongaba uNdunankulu wesifundazwe.
Mancane amathuba okuthi iMK ihlwithe iKZN ku-ANC noma ku-IFP kodwa kulindeleke ukuthi iqhamuke njengenkosi esifundazweni esibhekwe ngabomvu.
Ukuhlanganisa amakhono kwezobunhloli bobugebengu, inhlangano yezomthetho kanye nokuphathwa kwezimali zomphakathi, uNhlanhla Ngidi weMK uletha ukwethembeka okukhulu etafuleni.
Ukwesekwa kwabavoti kulesi sifundazwe kubukeka kuhlukene phakathi okubalwa i-IFP, i-ANC, i-MK namanye okubalwa kuwo i-DA, i-EFF, iNFP neFF Plus.
UNgidi uke waba yinhloko yophiko olucubungula ubugebengu ophikweni olungasekho, uphiko olukhethekile lweNational Prosecuting Authority olwaqala uphenyo lobugebengu ngokubandakanyeka kukaJacob Zuma esivumelwaneni sezikhali.
Usebe yilungu le-ANC amashumi eminyaka kanti phambilini uke wacatshangelwa ezikhundleni ezibucayi okubalwa kuzo isikhudla sokuba imeya yeTheku.
Kodwa emhlabeni ongemuhle wepolitiki eqenjini le-ANC, uNgidi uvame ukuzithola eseseka iqembu elingafanele.
Ugxume wajoyina iMK ngemuva kokuthi ezinye izifunda zifuna athole isikhundla sokuba nguSihlalo we-ANC eKZN, okwanqoba uSiboniso Duma ogaqele ukuba wuNdunankulu wesifundazwe.
Kuze kube muva nje uNgidi ubengumqondisi-jikelele kuhulumeni wesifundazwe saKwaZulu-Natal, okuyisikhundla asibambe kusukela ngo-2015.
Ngaso sonke lesi sipiliyoni, uma lingekho iqembu elithola amavoti amaningi eKZN, uNgidi angaba nguNdunankulu ukuze kuphele umdonsiswano phakathi kwe-ANC ne-IFP.
Iqembu ebelihamba phambili esifundazweni, i-EFF lehlile kakhulu njengoba lihlulwe okhethweni lokuchibiyela ebelilungenele esifundazweni.
UMengameli we-IFP, uMnuz Velenkosini Hlabisa usevele ukucacisile ukuthi iqembu ngeke likuthande ukusebenzisana ne-ANC.
“Kuzoba nzima ukusebenzisana ne-ANC ngoba i-ANC icekele phansi izwe. Uma ufuna ukulungisa iNingizimu Afrika awukwazi ukuyilungisa nabantu abayicekele phansi,” kusho uHlabisa.
Uthe iMK ayiyona inkinga enkulu ekusekelweni kwabo.
“Mayelana neMK asisabi nakancane. Abantu baKwaZulu-Natal bayamazi uJacob Zuma. Ubeneminyaka eyisishiyagalolunye enguMengameli wezwe lethu bayawazi umonakalo awenzile.”
Osesithombeni esingenhla: UNhlanhla Ngidi.
Umthombo wesithombe: USihle Mavuso