Bekushubile esiteshini samaphoyisa e-Alex

Ngu-Everson Luhanga

I-covid-19 idale esikhulu isiphithiphithi esitesheni samaphoyisa e-Alex, enyakatho yeGoli, ngoLwesihlanu ntambama.

Lesi siteshi sibe nokwethuka kwesibili ngenxa ye-coronavirus kuleli sonto ngenkathi kufika owesimame ezovula icala evulela isoka lakhe ngokweba i-laptop yakhe.

Ngenkathi ummangali egcwalisa amafomu, amaphoyisa athi ezwa ebamba ucingo oluvela kwizikhulu zezempilo. Bezwa kuthiwa unegciwane le-Covid-19.

Onke amaphoyisa ebesebenza ahamba ngokushesha ehhovisi. Isiteshi savalwa okwesikhashana, kepha saphinde savulwa njengoba ukuvalwa ngokusemthethweni kwenziwa nguhulumeni kuphela.

“Sizoba nenkinga enkulu elokishini manje njengoba abantu abaningi sebethola ukuthi banegciwane le-corona,” kusho elinye ilungu lamaphoyisa.