Lubhalwe nguPalesa Matlala
Uphenyo ngokushona kuka-Anele Tembe ngo-2021 luzovezwa eNkantolo yaseKapa, eminyakeni emihlanu kamuva nangemva kokubulawa kwesoka lakhe u-AKA.
Osolwa ngokubulala abantu abathathu e-UK, imfihlakalo yezicubu zomzimba eSoweto, kanye necala lokukhwabanisa laseKurhuleni konke kubuyela enkantolo ngosuku olufanayo.
UMsombuluko kulindeleke ukuthi ube usuku olukhulu ezinkantolo zaseNingizimu Afrika, kanye namacala amane amakhulu okumele alalelwe.
- Uphenyo luka-Anele Tembe ekugcineni luyaqala
Uphenyo oluthathw isikhathi eside ngokushona kuka-Anele Tembe luqala eNkantolo yeMantshi yaseKapa ngoMsombuluko. UTembe, oneminyaka engu-22, ushone ngemuva kokuwa esitezi (10th floor) ePepperclub Hotel eKapa ngoMbasa ka-2021, ngesikhathi enomlingani wakhe, umrepha uKiernan “AKA” Forbes.
Ekuqaleni ukushona kwakhe kwanqunywa njengokuzibulala, kodwa umndeni wakhe uphikise lokho iminyaka eminingi. U-AKA wadutshulwa wabulawa eThekwini ngoNhlolanja ka-2023, kanti icala ladluliselwa ophenyweni olusemthethweni ngemuva kokubulawa kwakhe, ngemuva kokuba incwadi eputshukile evela kubammeli bomndeni iveze ukusola ukuthi ukuthi wayebandakanyeka ekufeni kwakhe.
I-National Prosecuting Authority ithi ofakazi abayisithupha bazofakaza ngesikhathi sokulalelwa kwecala lezinsuku ezintathu. Uphenyweni luzohlola okwenzekile emahoreni okugcina kaTembe nokuthi ngabe kukhona yini umuntu ongaboshwa ngokusemthethweni ngokushona kwakhe. Okutholakele kamuva kuzoya kwi-NPA, ezonquma ukuthi kufanele yini amacala obugebengu alandele.
1.Osolwa ngokubulala abantu abathathu e-United Kingdom ubhekene nenkantolo
UNdodana Mkhanyisi Tshuma kulindeleke ukuthi avele eNkantolo yeMantshi yaseGoli ngoMsombuluko ngemuva kokuboshwa eKensington ngoLwesihlanu. Lo wesilisa oneminyaka engu-45 ubudala wase-Britain odabuka eZimbabwe ufunwa e-United Kingdom ngokufa komkakhe, uNothabo Tshuma oneminyaka engu-42 ubudala, kanye namadodakazi abo, uNatalie oneminyaka engu-15 ubudala kanye noNala oneminyaka emihlanu ubudala, abatholakale beshonile ekhaya labo laseBedfordshire.
Amaphoyisa aseNingizimu Afrika abophe uTshuma ngosizo lwe-Interpol ngemuva kokumzingela amazwe ngamazwe. UNgqongqoshe Wezobulungiswa uMmamoloko Kubayi uthi amaphepha okumbuyisela ezweni ayalungiswa.
1.Icala lokudayiswa kwezicubu liya enkantolo
Kulindeleke ukuthi amadoda amabili avele eNkantolo Yemantshi yaseProtea ngemuva kokuba amaphoyisa ethole lokho okukholakala ukuthi yizinhliziyo namaphaphu omuntu endlini eNaledi, eSoweto. Amaphoyisa aseGoli Metro aphenya ngemoto ebintshontshiwe athole imoto yoMnyango Wezempilo Kazwelonke eyebiwe iVolkswagen Caddy egaraji, kwabe sekutholwa amabhakede amabili aqukethe izitho okukholakala ukuthi ezabantu ngesikhathi kuseshwa impahla.
Abasolwa babhekene namacala okuba nemoto eyebiwe nokuba nezitho zomuntu. Amaphoyisa asazama ukuthola ukuthi lezi zitho zivelaphi.
- Umphathi wamaphoyisa kamasipala ubuyele enkantolo mayelana nokuthola umuntu ofana naye ozommela enkantolo
Iphini leNhloko yoMnyango wamaPhoyisa kaMasipala waseKurhuleni osamisiwe uJulius Mkhwanazi kanye neMenenja yeDolobha laseKurhuleni uKagiso Lerutla babuyela eNkantolo yesiFunda yaseBoksburg ngoMsombuluko, babhekene namacala okukhwabanisa, inkohlakalo kanye nokwephula umthetho. Abashushisi basola uLerutla ukuthi wakhokha uMkhwanazi u-R400,000 ukuze ahlele umuntu onjengaye ecaleni lokugijima ngesivinini esiphezulu ngo-2019.
Bobabili abasolwa bayaziphika lezi zinsolo kanti bazonikezwa ibheyili ka-R30 000 umuntu ngamunye.
Esithombeni esingenhla: Amacala amane amakhulu abuyela ezinkantolo zaseNingizimu Afrika ngoMsombuluko, okuhlanganisa nelokuphenya ngokufa kuka-Anele Tembe osekunesikhathi eside kwabambezeleka.
Umthombo wesithombe: Ifayela