Lubhalwe nguPalesa Matlala
Ithimba lezokuvikela lika-Amber-Lee Hughes lithe likuthola kunzima ukubonisana naye kanye nokuthola ubufakazi be- electronic obudingekayo.
UHughes ugcinwe e-Johannesburg Correctional Centre futhi inkantolo ilindele ukuthi athathe lesi sinqumo ngomhlama-18 kuNhlolanja ka-2026.
U-Amber-Lee Hughes owabulala ingane wazivumela yena bekulindeleke ukuthi kuthathwe isinyathelo sokugwetshwa kwakhe. Kodwa udaba luhlehliswe usuku lwesibili ngemva kokuba ithimba labameli bakhe litshele inkantolo ukuthi alikakalungeli ukuqhubeka.
UHughes oneminyaka engu-26 ubudala wayenguthisha wasenkulisa. Uzivumele yena ngokudlwengula nokuminzisa uNada-Jane, indodakazi yesithandwa sakhe sakudala. Ulahlwe yicala ngemuva kokuqulwa kwecala isikhathi eside futhi ugcinwe eJohannesburg Correctional Centre.
Ithimba labammeli bakhe licele inkantolo isikhathi esengeziwe, lathi lidinga ukubonisana noHughes futhi libuyekeze ubufakazi be-electronic ngaphambi kokuba isigwebo siqhubeke.
UMbuso utshele inkantolo ngesikhathi kuqhubeka icala ukuthi usuyifakile yonke imibiko yongoti bawo. Bathi uHughes nguyena odale ukubambezeleka.
U-Advocate Marius Bouwer, omele uHughes, utshele inkantolo ukuthi yini imbangela yalokhu kumiswa.
“Lokhu kubambezeleka kudalwe yizinselelo ezinkulu ekuxoxweni nomsolwa kanye nokuthola i-electronic ukuze kuncishiswe umonakalo,” kusho uBouwer.
Ummeli ulwela isigwebo esincane. Ithi uHughes unezinkinga ezithinta umqondo inkantolo okufanele izicabangele.
Inkantolo inikeze uHughes nethimba lakhe lezomthetho isikhathi sokubonisana esitokisini. Ube esehamba waya eJohannesburg Correctional Centre, lapho eboshelwe khona.
Abammeli banikezwe izinsuku eziyishumi zokuthola ubufakazi kofakazi futhi baphothule isigwebo. UHughes kulindeleke ukuthi athathe lesi sigwebo ngo-18 kuNhlolanja ka-2026.
Esithombeni esingenhla: U-Amber-Lee Hughes.
Umthombo wesithombe: UPalesa Matlala