Lubhalwe nguRorisang Modiba
Isihlabane sikamabonakude sabelane ngezindaba zokuthola amawele ku-Instagram, sathi uthando lomndeni wakhe kanye nesibopho kukhula ngamandla.
Icala lokushaya likaMaweni libambezelekile ukuze abelethe futhi manje lizoqhubeka ngoMfumfu eNkantolo yeMantshi yase-Protea.
UGogo Maweni usememezele ukuzalwa kwamawele akhe, njengoba nje elungiselela ukubuyela enkantolo ukuyobhekana necala lokushaya eliqhubekayo.
Isangoma nesihlabani sikamabonakude igama laso langempela nguMakhotso Lee-Anne Mofokeng, siveze lezi zindaba ku-Instagram. Ufake lezi zindaba ngomhlaka-29 kuNtulikazi, wabhala: “Ezinsukwini eziyishumi ezedlule, uthando lwethu kanye nesibopho sethu sibe namandla kakhulu.
Lesi sihlabani esineminyaka engu-38, (Izangoma Zodumo) sesingumama wezingane ezinhlanu. Ingane yakhe yokuqala wayithola nowesilisa waseMelika, eyesibili nomlingisi uSthembiso “SK” Khoza, eyesithathu nomdlali webhola ongasekho uSiyabonga Zulu.
UMaweni nomyeni wakhe babungaza ukufika kwamawele abo, kodwa naye unezinkinga zomthetho ezimlandelayo.
Uboshwe ngasekuqaleni konyaka ngamacala okushaya ngenhloso yokulimaza. La macala ahlobene nesigameko okusolakala ukuthi senzeka ngomhlaka-19 kuZibandlela ka-2019 eDlamini, eSoweto.
Waliphika icala ngesikhathi icala lakhe liqala eNkantolo yeMantshi yase-Protea ngomhlaka-5 ngoNhlaba. Icala lahlehliswa ngoNhlangulana ukuze anikezwe isikhathi sokubeletha futhi alulame.
Icala manje kulindeleke ukuthi liqhubeke ngomhlaka-15 ngoMfumfu.
Esithombeni esingenhla: UGogo uMaweni nomyeni wakhe.
Umthombo wesithombe: @dr_maweni