Lubhalwe nguBuziwe Nocuze
- Umshayeli uthwetshulwe ezama ukuwela ibhuloho labahamba ngezinyawo eKapa.
- Iziphathimandla zikamasipala azikwazi ukuhlonza umshayeli kodwa zixwayisa ngalokhu kuziphatha okuyingozi okungase kubangele ukubhidlika kwebhuloho.
Abahlali baseKapa abakholwanga ngesikhathi bebona imoto ihamba ebhulohweni labahamba ngezinyawo emgwaqweni onguthelawayeka u-R300.
Umshayeli uqoshwe ewela ibhuloho elibheke e-Old Stellenbosch Arterial.
Isakhamuzi uLindiwe Maku (45) ufuna uMasipala ubambe umshayeli uphinde umjezise.
“Akuhlekisi lokhu. Uma ibhuloho labahamba ngezinyawo livodloka ku-N2, kuzothinteka imiphefumulo eminingi engenacala. Okwenziwe umshayeli kukhombise ukuthi akawuhloniphi umthetho futhi udinga ukujeziswa,” kusho uMaku.
Wesaba ukuthi abanye abashayeli bangase bakopishe lesi sigameko esiyingozi uma lo mshayeli engabanjwa.
Umnyango wezokuthutha kulo masipala uyazi ngale vidiyo kodwa awukwazi ukuthi iqoshwe nini. Abakwazi nokuhlonza imoto ngoba inombolo yayo ayibonakali ezithombeni.
“Izimoto azivumelekile emabhulohweni abantu abahamba ngezinyawo, futhi kuzosetshenziswa imithetho kamasipala efanele,” kusho umasipala, uxwayisa ngokuthi ukuziphatha okunjalo kubeka abahamba ngezinyawo nabashayeli engozini.
Esithombeni esingenhla: Isithombe sevidiyo ebonisa imoto iwela ibhuloho labahamba ngezinyawo.
Umthombo wesithombe:
Sithunyelwe