Lubhalwe nguRorisang Modiba
UCynthia Shange ushonele esibhedlela esifundazweni saKwaZulu-Natal ngemuva kokuba esenesikhathi egula.
UCynthia Shange ubedume ngokulingisa emidlalweni efana noMuvhango nokumela iNingizimu Afrika emqhudelwaneni wonobuhle uMiss World.
Umlingisi wodumo waseNingizimu Afrika uCynthia Shange ushone eneminyaka engu-76 ubudala.
Ushonele esibhedlela KwaZulu-Natal ngemuva kokuba esenesikhathi egula.
UCynthia Shange waqala ukuduma ngeminyaka yawo-1970. Wawina umncintiswano wonobuhle uMiss Africa South ngaleso sikhathi.
Wabe eseya eLondon ukuyomela iNingizimu Afrika emqhudelwaneni kaMiss World. Uqede endaweni yesihlanu.
Ngemuva kwesikhathi sakhe semiqhudelwano yonobuhle, uCynthia Shange wazakhela igama emkhakheni wokulingisa. Ubelingisa emidlalweni emikhulu efana no-Udeliwe, uShaka Zulu ne-soapie edumile uMuvhango.
Abantu bamnike imiklomelo yempilo yonke ngokusebenza kwakhe ngokuzikhandla eminyakeni edlule. Abantu abaningi bamkhumbula njengomuntu owavulela abanye iminyango kwezokuzijabulisa zaseNingizimu Afrika.
Imininingwane ngesikhumbuzo nomngcwabo wakhe izokhishwa maduze.
Osesithombeni esingenhla: uCynthia Shange.
Umthombo wesithombe: @Cynthia Shange