Razeen Gutta
I-Manchester City inqobe umdlalo ngamagoli amahlanu kwelilodwa idlala ne-Wolves e-Molineux kwathi i-Leeds yahlulwa ngamagoli amathathu eqandeni ibhekene ne-Chelsea emdlalweni we-Premier League ngoLwesibili.
Iqembu likaPep Guardiola linyuse umehluko wamagoli aba isikhombisa ngaphezu kwezimbangi zabo i-Liverpool njengoba zenze umehluko wamaphuzu amathathu esicongweni se-Premier League.
UKevin De Bruyne ube umdlali ovelele kulo mdlalo. Umdlali wase-Belgium oshaye amagoli amane.
URaheem Sterling wenze kwaba amagoli amahlanu wavele waletha injabulo njengoba bekuwumbukiso we-City. Yize iMan City inqobe ngalendlela kodwa iyazi ayikaqedi.
Kweminye imiphumela ebusuku i-Leicester City ishaye iqembu elisemseleni i-Norwich City ngamagoli amathathu eqandeni njengoba i-Watford ne-Everton bedlala ngokulingana e-Vicarage Road.