I-Fish River Resort ilahlekelwe udumo lwayo

Lubhalwe ngu-Anita Dangazele

Nyakenye i-Fish River Resort eseduze kwase-Port Alfred, e-Eastern Cape yayinethimba le-International Film Crew labantu abangu-48.

Bekumele ithuthukiswe ngemali engu-R500 million okuhlanganisa nokwakha isitudiyo samafilimu esisezingeni lomhlaba.

Le ndawo yokungcebeleka engaphansi komphakathi wase-Prudhoe ibiphethwe inkampani ebizwa nge-MahalaX nayo ebibhekelele ukuletha abatshalizimali.

Lokhu kuthuthukiswa kwakuhlelelwe ukuvula indlela entsha yemali engenayo kule ndawo, emphakathini kanye nasezindaweni eziyizungezile. NgoNhlangulana nyakenye kwaqala ukuthwetshulwa isizini yesishiyagalolunye ye-Survivor SA kule ndawo yokungcebeleka.

Kodwa lolu hlelo lwamiswa kusasele izinyanga ezimbili ukuthi luqale ngesikhathi iqembu le-Prudhoe Community Trust elalifuna ukuqondisa nokuthola izinzuzo lithatha indawo yokungcebeleka futhi lixosha amalungu angu-48 eqembu lefilimu lamazwe ngamazwe.

I-MahalaX ayikwazanga ukuhlangabezana nezibopho zayo ngokwezezimali kwi-Prudhoe Trust futhi yaphoqeleka ukuthi iyishiye phansi.

Okhulumela uMnyango wezoLimo, ukuBuyiswa koMhlaba nokuThuthukiswa kweziNdawo zaseMakhaya e-Eastern Cape, uMnu Reggie Ngcobo uthe umnyango awusangeni ekuphathweni kwale ndawo kodwa uchaze kabanzi ngesivumelwano.

“Siyazi ukuthi umphakathi wase-Prudhoe wangena esivumelwaneni sokuqashisela i-MahalaX itayitela ukuze isebenzise le ndawo,” esho.

“Inkampani ibihlose ukusungula isitudiyo samafilimu kule ndawo. Umphakathi waphetha isivumelwano ngawodwana futhi umnyango ubungeyona ingxenye yalolu hlelo.”

Esithombeni esingenhla: Indawo yokungena e-Fish River Resort

Umthombo wesithombe: Sithunyelwe

Izihloko zakamuva