Lubhalwe nguCelani Sikhakhane
Umkhosi woMhlanga wakaZulu kuyavela ukuthi empeleni waqalwa iSilo uMpande kaSenzangakhona kodwa wabhidlizwa izimpi zamaNgisi ahlasela uZulu ngo-1883.
Lokhu kuvela enkulumeni kaMntwana uThembi maZulu-Ndlovu ongasekho ayenza ngo-2004 ngesikhathi kubungazwa ikhulunyaka kwasungulwa lo mkhosi.
UMntwana uThembi uthi iSilo uMpande sasungula lo mkhosi ngemuva kokuba izintombi zazikade zivika izinsizwa ngezinduku zomhlanga ezazisuke zizama ukuzidlwengula.
“ISilo uMpande sabe sesiqala lo Mkhosi ukuvikela izintombi nokugwema ukuba ziyocansini zingakagani,” kusho uMntwana uThembi.
Waqhuba wathi lo mkhosi ubusuyigugu kwaZulu, kwabe sekugasela amaNgisi ehlasela uZulu.
UMntwana waveza ukuthi impi yango-1883 yiyo eyaqeda ngoMkhosi woNhlanga wagcina usukhohlakala.
Lo Mkhosi ugcine usuvuselelwa uMdlokombane beneNdlovukazi uMantfombi kaSobhuza uMaDlamini wakwaKhangela Amankengana ngo-1984 njengoba namhlanje kugujwa iminyaka engu-40 wavuselelwa.
UMntwana uThembi ungomunye wabanconywayo ngokweseka lo mkhosi njengoba uMdlokombane amuklomelisa ngendondo yobuKhosi.