Lubhalwe nguDylan Bettencourt
Amadoda angu-17 aseNingizimu Afrika, iningi lawo elivela KwaZulu-Natal, avaleleke e-Ukraine esifundeni i-Donbas ngemuva kokwethenjiswa imisebenzi eholela kahle.
Okhulumela iHhovisi likaMengameli uVincent Magwenya uthi uhulumeni usebenzisa imigudu yokuxhumana ukubabuyisela ekhaya futhi useqale uphenyo mayelana nokuqashwa kwabo.
Amadoda aseNingizimu Afrika angu-17 avaleleke phakathi nempi yase-Ukraine futhi acela usizo lokubuyela ekhaya.
Laba balisa, abaneminyaka ephakathi kuka-20 no-39 ubudala, bathi bahehwa ngezethembiso eziwumgunyathi zemisebenzi emihle. Manje banamathele esifundeni sase-Donbas, enye yezindawo ezihlaselwe kakhulu njengoba kunempi yase-Russia ne-Ukraine.
Iningi labo liphuma KwaZulu-Natal, oyedwa owase-Eastern Cape.
Okhulumela iHhovisi likaMengameli uVincent Magwenya uthe uhulumeni usebenzisa imigudu yokuxhumana ukuze abuyise amadoda ekhaya.
Uthe uMengameli Cyril Ramaphosa ukugxekile “ukuxhashazwa kwabantu abasha, abasengozini ngabantu abasebenza namasosha angaphandle.”
Uhulumeni usuqale uphenyo lokuthola ukuthi la madoda aqashwe kanjani athunyelwa emsebenzini okubonakala kuwumsebenzi ongekho emthethweni.
Umthetho waseNingizimu Afrika uvimbela izakhamuzi ukuthi zilwele amasosha akwamanye amazwe noma ukunikeza usizo lwezempi ngaphandle kwemvume kahulumeni ngaphansi koMthetho Wosizo Lwezempi Lwamazwe Ngamazwe ka-1998.
I-Russia yahlasela i-Ukraine ngoNhlolanja ka-2022, yadala impi enonya eyabulala izinkulungwane futhi yaphoqa izigidi ukuba zibaleke.
URamaphosa uthe ukhulume ngqo noMengameli wase-Russia uVladimir Putin obonge indlela esikuphethe ngayo loludaba.”
Esithombeni esingenhla: Amadoda aseNingizimu Afrika avaleleke endaweni yempi yase-Ukraine acela usizo lokubuyela emakhaya.
Umthombo wesithombe: @DefenceU