Yonke into inesikhathi sayo!

Menzi Magubane

Kungokuqala ngqa emlandweni we-UEFA Champions League, ukuthi iBarcelona ihlulwe emidlalweni emibili ilandelana ekhaya.

NgoZibandlela bashaywe iJuventus ngamathathu eqandeni, izinto zaqala lapho ukubheda njengoba bephinde bahlulwa ngamane kwelilodwa ngesikhathi bedlala neParis Saint-Germain (PSG) ngoLwesibili.

Njengoba uNeymar ephumile ngenxa yokulimala, uLionel Messi kanye nabanye bebecabanga ukuthi ubusuku e-Camp Nou buzoba ngobabo ngemuva kokuthi uMessi athole iphenalthi.

Kepha umdlali wase-France uKylian Mbappe uholele iPSG empumelelweni.

Lo mfana oneminyaka engama-22 uthuse ukuzivikela kweBarca futhi washaya amagoli akhe amathathu okokuqala emncintiswaneni. Ushaye igoli ngomzuzu wama-32 ukulinganisa amaphuzu nezivakashi ngaphambi kokubeka phambili iqembu ngemuva kwemizuzu engama-33.

Phambili uMoise Kean ushaye igoli enza amaphuzu abe mathathu kwelilodwa, kepha uMbappe uthole elesithathu ebusuku ngemizuzu emihlanu ngaphambi kokukhala kwempempe yokugcina.

Ekhuluma ngoMbappe, umqeqeshi wePSG uMauricio Pochettino uthe: “Ngaphambi komdlalo, ungibuze ukuthi senginqobe kangaki e-Camp Nou. Ngamtshela  ukuthi kanye. Ubesethi sizowina okwesibili.”

Bekungekhona okokuqala beshaya amagoli amane bebhekene neBarcelona. E-Paris ngowe-2017 banqoba ngamane eqandeni emzuliswaneni womlenze wokuqala we-16. Umlenze wokubuya e-Camp Nou ungene ezincwadini zomlando zalo mncintiswano.

IBarcelona inqobe ngayisithupha kwelilodwa uNeymar eshaya amagoli amabili esiza iqembu lakhe ukuba linqobe ngokulingana ngo-6-5, okubenza iqembu elisheshe labuya ngemuva kokungenzi kahle emlandweni we-Champions League.

Mhla zi-10 ku-Ndasa lamaqembu amabili azophinde abhekane e-Paris emlenzeni wesibili futhi ukulingana kwamaphuzu kusekude ukuphela. Ukuhola ngamagoli amane akuyiqinisekisi lutho iPSG.

Khonamanjalo e-Germany, iLiverpool ishaye iRB Leipzig ngamabili eqandeni ukwenza umsebenzi wabo ube lula uma bephinda behlangana e-Anfield ngomlenze wesibili mhla zi-10 kuNdasa.

Umthombo wesithombe: @ Ligue1_ENG

Izihloko zakamuva