Dylan Bettencourt
Kuvunyelwe izihlobo kanye nabangani abasondelene nomndeni kuphela ukuya emngcwabeni womfowabo kaJacob Zuma, uMichael, obuseNkandla eKZN.
UZuma unikezwe ikhefu losuku ngoLwesine ngemuva kokuhlala amasonto amabili ejele lase-Estcourt.
Indodana kaMengameli engundabuzekwayo u-Edward kanye nomakadebona beMK abahlakazekile asebephenduke ibutho elizimele likaZuma, bavimbe izivakashi ezingamukeleki kubandakanya nabezindaba.
UNdunankulu waseKZN, uMnuz uSihle Zikalala, obehambele abebezoduduza, uthe uZuma ubesemoyeni omuhle.
Umfowabo kaZuma uKhanya ukhulume kafushane ne-Scrolla.Africa.
“Konke kuhambe kahle. Sibonga abezokuhlunyeleliswa kwezimilo ngokudedela umfowethu okwesikhashana ukuze abe nomndeni kulesi sikhathi esibuhlungu,” kusho uKhanya.
UKhanya uthe ukuba khona kukaZuma bekubalulekile njengoba engumfowabo omdala kubo.
Ephawula mayelana nemfihlo yomngcwabo, uthe yonke imindeni inelungelo lokwenza izinto ngendlela ebona kufanele ngayo.
Uthe umndeni usameseka uZuma, okumele abuyele ejele lase-Estcourt.
Ngenkathi uZuma engcwaba umfowabo eNkandla, abalandeli bakhe eThekwini bamashe baya komkhulu le-ANC esifundazweni, befuna akhishwe ejele.
UZuma ugwetshwe izinyanga eziyishumi nanhlanu ebhadla ejele ngemuva kokuphikisana nomyalelo weNkantolo yoMthethosisekelo owawumtshela ukuthi avele phambi kwekhomishini yokulawulwa kombuso. Usachithe isikhathi esingaphezu kwamasonto amabili esigwebo sakhe.
.
